پاکستان دن افغانستان‌لیک قاچقین‌لر نینگ جبر دن چیقریش جریانی دوام ایتماقده ایکن، اوشبو مملکت دن جبر دن چیقریلگن عایله‌لر نینگ باله‌لری روحی قیینچیلیک بیلن روپه‌ره بولگنلر.
ایکی کون آلدین اسپین‌بولدک_چمن بندری آرقه‌لی، پاکستان دن عایله‌سی بیلن جبر دن چیقریلگن ۱۰ یاشر بلال گه کوره، کیچه‌لر قورقیب اویخیله آلمه‌یدی.
پاکستان پولیسی بلال نینگ عایله‌سینی اوشبو مملکت دن چیقرمس دن آلدین آته‌سینی قولگه آلگن و او حاضر پاکستان قماقخانه‌لری ده دیر. بلال گه کوره، سونگی ایکی کون ده آته‌سی یوق‌لیگی باعث کیچه‌لر قورقیب اویخیسی کیلمه‌یدی.
او نینگ کوپه‌یتیریشیچه: «آته‌م نی قولگه آلدیلر، بیز آنه‌م بیلن اسپین-بولدک بندری آرقه‌لی کیلدیک، بیز و آنه‌م نینگ ییگولیک آوقتی و کییم-کیچکی‌میز یوق ایدی قیین احوال ده کیلدیک، بو ییرده بیز گه آوقت و کییم-کیچک بیردیلر.»
بیزلرنینگ فیسبوک صحیفه‌میزگه باش اورینگ!
سونگی کون‌لرده تورخم و اسپین‌بولدک بندرگاه‌لری دن افغانستان گه قیتگن باله‌لر دن بیرقطاری نینگ ایتیشلریچه، پاکستان دن عایله‌لری جبر دن چیقریلیشی باعث روحی قیینچیلیککه دوچ بولگنلر.
ایکی کون آلدین پاکستان دن جبر دن چیقریلگن آلتینچی صنف اوقووچیلری ساحل و رفیع‌الله نینگ ایتیشلریچه، تعلیم دن اوزاق بولیش اولرنی خواطری گه سبب بولگن.
حاضر تورخم ده قاچقین‌لر نینگ وقتینچه‌لیک اردوگاه‌سیده بولگن ۱۳ ساحل نینگ سلام‌وطندار گه ایتیشیچه: «نیچه ییل پاکستان ده حیات کیچیردیک و درس اوقیدیک حاضر قیتدیک تعلیم دن اوزاق‌لشدیک، قیتگن پیتده بیز گه ییگولیک آوقت و وقتینچه‌لیک جای بیردیلر، بیراق بیز دایمی باش‌پنه‌میز بولیب، درس اوقیب و کیله‌جک ده بیران نرسه بولیشنی ایسته‌ی میز.»
شونینگدیک، حاضر تورخم ده قاچقین‌لر نینگ وقتینچه‌لیک اردوگاه‌سیده بولگن ۱۳ یاشر رفیع‌الله گه کوره: «بیزنی قلتیس شرایط ده جبر دن چیقردیلر، هیچ نرسه آلیب کیلگن یوق میز، پنجاب ده نیچه ییل درس اوقیدیک بیراق بیزنی جبردن چیقردیلر، دایمی یشش اویی‌میز یوق‌لیگی و تعلیم دن اوزاق‌لشگنیمیز اوچون خواطر ده میز.»
ینگی‌لیکده، بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری، خلق‌ارا قاچقین‌لر تشکیلاتی و بیرلشگن ملت‌لر تشکیلاتی نینگ باله‌لر دن حمایت قیلووچی صندیغی، قوشمه بیر بیانیه ترقه‌تیب پاکستان دن جبر دن چیقریلگن باله‌لر و عایله‌لری نینگ خوفسیزلیک‌لری دن خواطرده ایکن‌لرینی بیلدیرگنلر.
بیزلرنینگ «ایکس» ترماغی ده هم تعقیب قیلینگ!
مذکور اوچ نهاد نینگ بیانیه‌سیده کیلیشیچه، حاضرگی شرایط ده باله‌لر فزیکی، عایله‌لری دن اجره‌لیش، پریشان‌لیک و قورقیش خطری بیلن روپه‌ره بولیب و اولر تعلیم، ساغلیک مراقبت‌لر و آزیق-آوقت و باش‌پنه کبی دستلبکی امکانیت‌لردن فایده‌لنه آلمسلیک‌لری ممکن.
پاکستان دن افغانستان‌لیک ناقانونی قاچقین‌لر نینگ جبر دن چیقرمسلیک طلب‌لری بیلن، جمعه کونی، ۱۲-عقرب، اوشبو مملکت ایچکی ایشلر وزیری سرفراز بوگتی، ینه بیر بار مملکتی نینگ قراری دن دفاع قیلیب و افغانستان سرپرست حکومتی افغانستان‌لیک ناقانونی قاچقین‌لر نینگ چیقریلیشی گه عاید مذکور مملکت بیلن مذاکره قیلمه‌گنینی ایتگن؛ بیراق اسلام امیرلیگی سوزلاوچیسی ذبیح‌الله مجاهد بو ادعا نی رد قیله‌دی.
اونگه کوره: «درخواست‌لر بولگندی نیچه مرته اعلامیه ترقه‌تدیک، کابل گه پاکستان هیئتی کیلگن ایدی اولر بیلن بو مسئله حقیده جدی گپلشدیک، شونینگدیک افغانستان نینگ پاکستان ده‌گی ایلچیسی نیچه مرته مسئوللر بیلن اوچره‌شیب مسئله نی شریک قیلدی، باشقه تامان‌لر دن هم مذاکره بولگن ایدی.»
پاکستان، اوتگن هفته پنجشنبه کونی اوشبو مملکت دن افغانستان‌لیک ناقانونی قاچقین‌لر نینگ جبر دن چیقریش جریانینی باشله‌دی، قاچقین‌لر وزیرلیگی نینگ معلوماتی اساسیده، تورخم بندری دن حاضرگچه ۵۰ مینگ دن آرتیق کیشی قیتگنلر.
قاچقین‌لر وزیرلیگی نینگ مسلکی معینی عبدالرحمان راشد نینگ سلام‌وطندار گه ایتیشیچه: «سونگی نیچه کون ده قاچقین‌لر نینگ جبر دن چیقریش سانی آشگن، اوتگن ایکی کون ده قریب بیش مینگ عایله تورخم بندری و قریب اوچ مینگ عایله اسپین‌بولدک بندری آرقه‌لی مملکت گه قیتگن، اولر نینگ اکثریتینی باله‌لر و عیاللر تشکیل بیره‌دی.»
عین‌حالده، اوتگن هفته چهارشنبه کونی باله‌لر نی قوتقرو تشکیلاتی ترقه‌تگن گزارشی ده، هر کونی پاکستان دن جبری روشده چیقریلگن افغانستان‌لیک یوزلب باله، ییگولیک ماده، باش‌پنه و باشقه امکانیت‌لر دن فایده‌لنه آلمسلیگینی ایتگن ایدی.
