اسلام امیرلیگی باش وزیرلیگی نینگ اقتصادی اورین باسرلیگی، اوشبو قویاش ییلده آمو دریا نفت حوزه‌سیده نفت قازیب چیقریلیش مقداری آشیریلیشی مقصدیده، ینگی ۲۵ قودوق فعال بولیشینی معلوم قیلگن.
اسلام امیرلیگی سۉزلاوچیسی نینگ اورین باسری حمدالله فطرت، ینگی قودوقلر فعال بولیشی بیلن، آمو دریا نفت حوزه‌سیدن هر کونی ایککی مینگ دن اوچ مینگ تُن نفت قازیب چیقریلیشی ممکن دیېدی.
اونینگ کوپه‌یتیریشیچه: «کانلر و پترولیم وزیرلیگی ۲۵ قودوق نی فعال قیلیشنی نظر گه آلگن. ینگی‌لیکده ۱۸ قودوق قازیلگن، ایککی قودوق نینگ قازیب چیقریش ایشی باشلنگن و سابق بیش قودوق قیته دن تعمیرلنه‌دی. ینگی قودوقلر قازیلیب و قیته قوریلگن حالده، آمو دریا نفت حوزه‌سیدن نفت ایشلب چیقریش مقداری ایککی مینگ دن اوچ مینگ تُن گه آشه‌دی.»
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لردن بیرقطاری، آمو دریا نفت حوزه‌سیده قازیب چیقریلیش مقداری کوپه‌یگنینی خوش قرشی‌لب و بونی افغانستان نینگ اۉزینی اۉزی تأمینلش اوچون یخشی آدیم دیه بیان قیله‌دیلر.
اقتصادی ایش بیلرمان شاکر یعقوبی گه کوره، آمو دریا نفت حوزه‌سیده ینگی قودوقلر فعال بولیشی بیلن، ملی درآمد آشیب و افغانستان نینگ نفت وارد قیلیش گه دایر احتیاجی کمه‌یه‌دی.
ایش بیلرمان‌لردن باشقه بیرقطاری نینگ ایشانچی گه کوره، افغانستانده نفت قازیب چیقریش مقداری آشیریلیشی، مملکت ده ایش‌سیزلر و کمبغللر نینگ سانی کمه‌یب و باشقه ساحه‌لرده سرمایه یاتقیزیش زمینه‌سی یره‌تیلیشی ممکن.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لردن باشقه بیری امیدالله قاسم‌زی نینگ ایتیشیچه، اقتصاد و آست قورمه‌لر ترقیاتی اوچون آمو دریا نفت حوزه‌سیده ینگی قودوقلر فعال بولیشی اونملی دیر.
آمو دریا نفت حوزه‌سی تورت مینگ ۵۰۰ کیلومتر ییرده جوزجان، سرپل و فاریاب ده جایلشگن. حاضرگی کونده، آمو دریا نفت حوزه‌سیده ۲۴ قودوق فعال دیر و هر کونی بیر مینگ ۳۵۰ تُن نفت قازیب چیقریله‌دی.
