فراه ولایتیده چقور قودوققه توشگن ۸ یاشر باله، ۱۷ ساعت دن کیین جان بیرگن.
فراه محلی مسئوللری نینگ ایتیشلریچه، اوشبو باله اوتگن کون سه‌شنبه، ۶ جدی، توشدن کیین مذکور ولایت نینگ بالابلوک تومنی حدودلری «نصرالله» قیشلاغیده چقور قودوققه توشیب و ۱۷ ساعت قودوق ایچیده قالیشی باعث اولگن.
بیزلرنینگ فیسبوک صحیفه‌میزگه باش اورینگ!
فراه معلومات و مدنیت باشلیغی عبدالحی سباوون نینگ سلام‌وطندار گه ایتیشیچه، عبدالناصر اسملی اوشبو باله روحی کسل‌لیگی باعث قودوققه توشیب و نهایت جان بیرگن.
اونگه کوره، اسلام امیرلیگی مسئوللری مذکور باله‌نی قودوق دن چیقریش اوچون کوپ سعی و حرکت قیلگن بولسه‌لرده، لیکن اونینگ چیقریش گه اولگورمه‌گنلر.
بیزلرنینگ توییترده هم تعقیب قیلینگ!
جناب سباوون، قوتقروو تیم دن نقل قیلیب اوشبو باله نینگ اولیش سببینی، قودوق نینگ ۶۰ متر دن کوپ چقورلیگی عنوان قیلگن.
ایتیش کیره‌ک که، مملکت نینگ تورلی ولایت‌لریده باله‌لر نینگ قودوققه توشیشی ینگی‌لیک ایمس. بوندن آلدین قطار ولایت‌لرده باله‌لر و عیاللر قودوققه توشیب بیرقطاری قوتقریلگن و باشقه بیرقطاری هلاک بولگن.
