انسان حقلری و دنیا همجمیت نینگ برچه تنقیدلری بیلن، اسلام امیرلیگی قریب سۉنگی اوچ ییل‌ده عام حضوری ده حدود و قصاص نی عملگه آشیریش گه دوام بیریب کېلگن.
ینگی‌لیکده اسلام امیرلیگی عالی محکمه‌سی لوگر ولایتیده بیر عیال شامل آلتی کیشی گه، عام حضوری ده ۲۵ دُره دن ۳۹ دُره اۉریلگنینی معلوم قیلگن.
قویاش اوشبو ییل باشلنیشیدن حاضرگه قدر بو محکمه بیرقطار ولایت‌لرده چمه‌سی ۲۰ کیشی گه دُره اۉریش شامل تعزیری جزالرنی عملگه آشیرگن.
سرپرست حکومت عالی محکمه‌سی نینگ سلام‌وطندار بیلن شریک قیلگن معلوماتی اساسیده، قویاش ۱۴۰۲-ییل‌ده افغانستان بویلب ۱۳۰ کیشی گه دُره اۉریش شامل تعزیری جزانی تطبیق اېتگن و باشقه اوچ کیشی عام حضوری ده قصاص بولگنلر.
بیزلرنینگ فیسبوک صحیفه‌میزگه باش اورینگ!
اسلام امیرلیگی عالی محکمه‌سی نینگ تشقی مناسبت‌لر و مطبوعات ایشلری بوییچه باشلیغی عبدالرحیم راشد نینگ بوتوغریده سلام‌وطندار گه ایتیشیچه: «اۉتگن ییل‌ده قتل قیلگن اوچ کیشی گه قصاص حکمی عملگه آشیریلدی، غزنی ده ایکّی قاتل و جوزجان ده بیر قاتل گه قصاص حکمی عملگه آشیریلگن.»
شونینگدیک، سرپرست حکومت عالی محکمه‌سی متهم کیشیلر اینیقسه قتل گه عیبلنگن کیشیلر گه حد و قصاص حکمی عملگه آشیریلیشی گه تاکید اېته‌دی.
اسلام امیرلیگی عالی محکمه‌سی نینگ تشقی مناسبت‌لر و مطبوعات باشلیغی نینگ کوپه‌یتیریشیچه: «نشه‌لی مواد، اوغری‌لیک، فحشا و باشقه جرم‌لر که حد و قصاص گه ېیتمه‌گن بولسه، تعزیری حکم عملگه آشیریله‌دی.»
بیزلرنینگ «ایکس» ترماغی ده هم تعقیب قیلینگ!
عین‌حالده، ایش بیلرمان‌لردن بیرقطاری نینگ ایتیشلریچه، حد و قصاص حکمی عملگه آشیریلیشی اوچون دستلب اساسی قانون تدوین اېتیلیشی کېره‌ک.
حقوقی مسئله‌لر بیلرمانی سبحان مصباح، اسلام امیرلیگی دنیا همجمعیت تامانیدن تن آلینمه‌گن بیرحالده، عام حضوری ده حد و قصاص حکمی تطبیق اېتیلیشی خواطرلی دیر.
اسلام امیرلیگی عالی محکمه‌سی نینگ سلام‌وطندار بیلن شریک قیلگن معلوماتی اساسیده، بو محکمه قویاش اۉتگن ییل نینگ دستلبکی توقیز آی ده ۱۴۲ مینگ ۸۸۵ قضایی حجت‌‌نی تېکشیرگن.
