جبل‌السراج نینگ ارگ شاهی تاریخی مکانی، مملکت بویلب اسلامی امارت حاکم بولیشیدن کیین، حربی قرارگاه گه اوزگرتیریلگن.
پایتخت کابل شمالیده تاریخی و دم آلیش مکان‌لردن بولگن جبل‌السراج نینگ ارگ شاهی ده، اسلامی امارت حربی کوچلری نینگ جای آلیشی، پروان ولایتی فرهنگی‌لری و یشاوچیلری نینگ خواطری گه سبب بولگن.
شمال حوزه‌سی شاعرلریدن بولمیش عبدالواحد عایل شب‌روز نینگ ایتیشیچه، سیاح‌لر کوپراق تاریخی و فرهنگی جای‌لردن کوریش اوچون سفر قیله‌دیلر.
جناب شب‌روز، فرهنگی و توریستی مکان‌لر حربی قرارگاه گه اوزگرتیریلمسلیگی کیره‌ک دیدی.
شب‌روز، اسلامی امارت مسئوللری دن جبل‌السراج نینگ ارگ شاهینی، توریست‌لر سفری اوچون بوشه‌تیشلرینی طلب قیله‌دی.
بیزلرنینگ فیسبوک صحیفه‌میزگه باش اورینگ!
مؤرخ‌لر نینگ ایشانچی گه کوره، تاریخی مکان‌لر بیر مملکت نینگ قدامتی و تمدنینی کیله‌سی نسل‌لر گه انتقال بیریش اوچون مهم دیر. پروان بیلیم یورتیده تاریخ اوقیتووچیسی محمدصابر سروری نینگ ایتیشیچه، تاریخی و فرهنگی مکان‌لر نینگ حربی قرارگاه گه اوزگرتیریلیشی، اوشبو مرکزلرنینگ قدرینی کمه‌یتیره‌دی.
برچه‌سی بیلن، پروان محلی مسئوللری، فرهنگی و تاریخی مکان‌لرنی مسئول بولیم‌لری گه تاپشیریش‌لریدن ایشانچ بیلدیره‌دیلر.
سلام‌وطندار بیلن صحبت اوتکزگن پروان حاکمی نینگ اورین باسری مفتی محمدادریس انوری، جبل‌السراج نینگ ارگ شاهی ده اسلامی امارت حربی کوچلری نینگ حضوری خصوصیده هیچ نرسه دیمه‌یدی، بیراق اوشبو تاریخی مکان نی بوشه‌تیش اوچون معلومات و مدنیت وزیرلیگی بیلن مصلحت قیلماقده‌لیگینی معلوم قیله‌دی.
جناب انوری، جبل‌السراج نینگ ارگ شاهی کبی مکان‌لرده، سیاح‌لر نینگ حضوری و کیلیب_کیتیشینی پروان ولایتی درآمدی اوچون اونملی بیله‌دی.
برچه‌سی بیلن، پروان معلومات و مدنیت ریاستی ده بیر منبع آتی سر قالیش شرطی بیلن سلام‌وطندار گه ایتیشیچه، اوتگن ییل گه نسبتن بو ییل پروان ده ایچکی و خارجی سیاح‌لر حضوری کمه‌یگن.
منبع نینگ ایتیشیچه، حاضرگچه جبل‌السراج نینگ ارگ شاهی حفاظت مسئولیتی، رسمی روشده پروان معلومات و مدنیت ریاستی گه بیریلمه‌گن.
بیزلرنینگ توییترده هم تعقیب قیلینگ!
شو بیلن بیرگه، جبل‌السراج نینگ ارگ شاهی قوریلیش ایشی، امیرحبیب‌الله خان نینگ دستوری بیلن میلادی ۱۹۰۵_ییل ده باشله‌نیب و میلادی ۱۹۰۷_ییل ده ایشی یکونلندی.
اوشبو تاریخی مکان ۵۰ جریب ییرده قوریلگن، غازی امان‌الله خان نینگ حکم‌رانلیک زمانیگچه، شاهی مقری صفتیده قوللـه‌نیلر ایدی.
جبل‌السراج نینگ ارگ شاهی ایریم بولیم‌لری، سونگی ایچکی جنگ‌لرده بوزیلگن ایدی، ۱۳۹۸_ییلی جمهورلیک ریاستی نینگ ملی ترقیات اداره‌سی تامانیدن ۹۰ فایز ایشی قیته قوریلدی.
