پاکستان ده افغانستانلیک سرپرست‌سیز یوزلب عیال، خوفسیزلیک قیینچیلیک و بیرقطاری عیاللر گه یره‌تیلگن چیکلاولر طفیلی پاکستان گه بارگنلر، پاکستان نینگ تورلی منطقه‌لری ده قیین احوال ده یشه‌ماقده.
۳۰ یاشر مریم بلوچ ایکّی ییل دن بیری پاکستان پایتختی اسلام‌آباد ده یشه‌یدی ایتیشیچه، ایری آلتی ییل آلدین «بویره‌ک کسل‌لیگی» طفیلی وفات ایتگن و حاضر ایکی یاش باله نینگ سرپرست‌لیگینی قیلماقده.
او، افغانستان ده خارجی بیر کمپنیه بیلن ایشلر ایدی، اسلام امیرلیگی حاکمیتی و عیاللر گه یره‌تیلگن چیکلاولر باعث پاکستان گه باش پنهایزلب باریش گه مجبور بولگن. مریم بلوچ نینگ ایتیشیچه، حاضر بیر اوی ده ایشله‌یدی و ۳۰۰ کلدار درآمدی بیلن احتیاج‌لرینی تامینله‌ی آلمه‌یدی.
اونگه کوره: «بیر اوی ده ایشله‌ی من و اوشبو یول آرقه‌لی ۲۰۰ دن ۳۰۰ کلدار درآمدیم بار. بو درآمد بیلن حتا باله‌لریم اوچون بیش قوروق نان ساتیب آلالمه‌ی من. باله‌لریم توییب آوقت‌لنمسلیکّه چلینگن؛ چونکه اولر گه ییترلی آوقت تیارلب بیره آلمه‌ی من.»
مریم بلوچ نینگ تاکیدلشیچه، تشقی بیر مملکت ده یشش قیین دیر و باریب-کیلیش ده بیزاوته بولیب و روحی قیینچیلیک تاپیشی گه سبب بولگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «سرپرست‌سیز یاش عیال ایش گه باریش پیتیده حقارت بوله‌دی؛ اونگه حقارت بیلن قره له‌دی. شونی اوچون تینچ اوخله‌ی آلمه‌یمیز؛ بیزنی روحی قیینچیلیکّه دوچ قیلگن؛ باله‌لریم نینگ سرپرست‌لیگینی اساسی شکلده قیله آلمه‌یپمن. پاکستان ده برچه کیشی روحی قیینچیلیکّه چلینگن اینیقسه عیاللر.»
باشقه تاماندن، روان‌شناس‌لردن بیرقطاری نینگ ایشانچی گه کوره، مهاجرت ده سرپرست‌سیز عیاللر اوچون مناسب فضا یره‌تیلمسلیگی، آنه‌لر و باله‌لر نینگ روحی قیینچیلیگیگه سبب بولیب و اولر نینگ کیله‌جگی اوچون جدی تهدید سنله‌دی. روان‌شناس حکمت‌الله صدیقی نینگ ایتیشیچه، روان‌شناس‌لر نقطه‌ی نظری دن ایرکک‌لر گه نسبتن عیاللر کوپراق روحی قیینچیلیکّه دوچ بولیشه‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «تقدیر بیللی بولمسه آدم اوزینی تانیمه‌یدی؛ بو ایش انسان نینگ روح اوستیگه تاثیر قیله‌دی روانی نقطه‌ی نظر دن انسان گه ضرر ییتکیزه‌دی. انسان روحی لحاظ دن ضرر کورسه جسمانی زیان گه سبب بوله‌دی؛ شونی اوچون تقدیری نامعلوم عیاللر نینگ روحی و جسمانی اوستیگه سلبی تاثیر قیلیشی ممکن.»
پاکستان ده افغانستانلیک سرپرست‌سیز عیاللردن باشقه بیری خالده، اوشبو مملکت ده بیریاشر بیر باله‌سی بیلن حیات کیچیرماقده خوددی شونده‌ی تقدیر گه دوچ بولگن. او افغانستانلیک باشقه عیاللر کبی افغانستان ده خاتین قیزلر گه یره‌تیلگن چیکلاولر، خوفسیزلیک تهدیدلر باعث پاکستان گه باش پنهایزلب بارگن.
خالده نینگ کوپه‌یتیریشیچه، پاکستان ده ناقانونی طرزده یشه‌ماقده و انده-سنده اوشبو مملکت پولیسی تورلی بهانه‌لر بیلن اوندن پول طلب قیله‌دی. اونگه کوره، خلق‌ارا نهادلر جمله دن پاکستان ده بیرلشگن ملتلر تشکیلاتی نینگ قاچقینلر ایشلری بوییچه عالی کمیساری (UNHCR) دن یاردم سوره‌گن؛ لیکن آوازینی کیمسه ایشیتمه‌گن.
اونینگ کوپه‌یتیریشیچه: «مین یوان‌ایچ‌سی‌آر دفتری یا که بیرلشگن ملتلر تشکیلاتی نینگ قاچقینلر ایشلری بوییچه عالی کمیساری دفتری گه مراجعت قیلدیم؛ برچه قیینچلیک‌لریمنی اولر گه ایتیب بیردیم؛ پولیس تامانیدن بیزاوته بولیشنی هم ایتدیم؛ لیکن اولر مینی سوزلریم گه اعتبار بیرمه‌ی صبر قیلیشیمنی ایته‌دیلر.»
عین‌حالده، پاکستان ده بیرلشگن ملتلر تشکیلاتی نینگ قاچقینلر ایشلری بوییچه عالی کمیساری نینگ دفتر سوزلاوچیسی قیصر افریدی، پاکستان ده افغانستانلیک عیاللر نینگ ادعاسی گه مناسبت بیلدیریب ایتیشیچه، بو نهاد پاکستان ده افغانستانلیک عیاللر گه نقدی یاردم کورستگن. اونگه کوره، افغانستان ده حیات‌لری خطر ده بولگن قطار عیاللرنی باش پنه سوره‌گن مملکت‌لر گه معرفی قیلیشگن.
قیصر افریدی نینگ ایتیشیچه: «خطر ده بولگن یا که کمبغل عیاللرنی اوچینچی مملکت گه یوباره‌میز. بونگه قوشیمچه، نقد پول یاردم بیره‌میز. کمبغل بولگنللر گه یاردم کورستیش اوچون مخصوص میکانیزمی‌میز بار.»
پاکستان ده بیرلشگن ملتلر تشکیلاتی نینگ قاچقینلر ایشلری بوییچه عالی کمیساری دفتر مسئوللری نینگ ایتیشلریچه، افغانستان ده ۲۰۲۱-ییل ده اسلام امیرلیگی حاکمتیدن سونگ، افغانستانلیک ۶۰۰ مینگ کیشی پاکستان گه مهاجر بولیشگن و اولر ارا یالغیز ۴۵۰ مینگی رویخط گه اوتیش اوچون اوشبو تشکیلات گه مراجعت قیلگنلر.
