فواید عامه وزیرلیگی‌نینگ تیمیر یول یول اداره‌سی معینی محمداسحاق صاحب‌زاده باشچیلیگیده بیر هیئت، ۲۶-عقرب، شنبه کونی خواف-هرات تیمیر یولی آرقهلی افغانستان و ایران اۉرته‌سیده سودا آلیش-بیریشنی آشیریش مقصدیده ایران گه سفر قیلگچ، اوشبو وزیرلیک سۉزلاوچیسی محمداشرف حق‌شناس، افغانستان بوتون مملکتلر بیلن تیمیر یولی آرقهلی سودا مناسبت‌لرینی کېنگه‌یتیریش اوچون سعی-حرکت قیلماقده‌لیگینی اېته‌دی.
اونگه کوره، افغانستان ۱۴۰۳-ییل‌نینگ دستلبکی ییتّی آیی‌ده اۉزبېکستان، تورکمنستان و ایران بیلن حیرتان، آقینه، تورغندی و خواف-هرات تیمیر یوللری آرقهلی ۲.۳ میلیون متریک تُن سودا آلیش-بیریش قیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «حاضرگی کونده افغانستان حیرتان، آقینه، تورغندی و خواف-هرات تیمیر یوللری آرقهلی اۉزبېکستان، تورکمنستان و ایران بیلن مستقیم آلیش-بیریش قیلماقده و اوشبو ییل‌نینگ دستلبکی ییتّی آیی‌ده ۲.۳ میلیون متریک تُن آلیش-بیریش بولگن.»
فواید عامه وزیرلیگی سۉزلاوچیسی‌نینگ ایتیشیچه، اوشبو مدت ایچیده افغانستان تیمیر یوللری آرقهلی ۸۲ مینگ متریک تُن سودا صادر قیلگن و بوتون مملکتلر اینیقسه منطقه بیلن تیمیر یولی آرقهلی سودا آلیش-بیریشینی آشیریش اوچون سعی-حرکت قیلماقده.
افغانستان وایران اۉرته‌سیده تیمیر یولی آرقهلی سودا آلیش-بیریشنی آشیریش مقصدیدی بیلن، فواید عامه وزیرلیگی‌نینگ تیمیر یول اداره‌سی معینی باشچیلیگیده بیر هیئت ایران گه سفر قیلگن دیېدی، بو وزیرلیک سۉزلاوچیسی محمداشرف حق‌شناس.
بیزلرنینگ «ایکس» ترماغی ده هم تعقیب قیلینگ!
اونگه کوره: «بو هیئت ایران بیلن تیمیر یولی آرقهلی سودا آلیش-بیریشنی کېنگه‌یتیریش اوچون سفر قیلگن و بو سفر دایره‌سیده ایران تیمیر یول اداره‌سی و باشقه نهادلرنینگ رسمی‌لری بیلن خواف-هرات تیمیر یولی آرقهلی سودا آلیش-بیریشنی آشیریش و ایکّی تامانلمه مناسبت‌لرنی مستحکم‌لش مسئله‌سی حقیده بحث اېتیله‌دی.»
شو بیلن بیرگه، اقتصادی ایش بیلرمانلرنینگ ایتیشلریچه، افغانستان‌نینگ جغرافیه اورنی و دینگیزگه یولی بولمسلیگی اوچون، بو مملکت اقتصادی ترقیاتی اوچون تیمیر یوللرینی کېنگه‌یتیریشی کېره‌ک.
اقتصادی ایش بیلرمان ظهور مدبر گه کوره، افغانستان حاضرگی کونده اوچ مینگ ۴۰۰ کیلومتر تیمیر یول قوریش امکانیتیگه ایگه دیر.
خواف-هرات تیمیر یولی تورت فازدن عبارت دیر؛ بو یول‌نینگ ایکّی فازی ایران توپراغیده بولیب و ایشی توگه‌گن، بیراق افغانستان توپراغیده باشقه ایکّی فازی نینگ ایشی یریم قالگن و ایشلری همان دوام اېتماقده.
فواید عامه وزیرلیگی، حاضرگی کونده خواف-هرات تیمیر یولی آرقهلی سودا آلیش-بیریش بولماقده‌لیگینی معلوم قیله‌دی.
