فواید عامه وزیرلیگی سوزلاوچیسی محمداشرف حقشناس بوگون (یکشنبه، ۸ میزان)، سلاموطندار گه ایتیشیچه، سالنگ تونلی قوریش ایشلری تیزلیک بیلن آلغه آلیب باریلماقده.
حقشناس جنابلری گه کوره، سالنگ تونلی بیر کیلومتری نینگ اسفالت قیلیش ایشی یکونلنگن و اوشبو یول نینگ قوریش ایشلرینی نهایی قیلیش اوچون سعیوحرکت قیلماقدهلر.
بیزلرنینگ فیسبوک صحیفهمیزگه باش اورینگ!
فواید عامه وزیرلیگی سوزلاوچیسی، سالنگ یولی نینگ قوریش ایشی یکونی تاریخی بارهسیده هیچ نرسه دیمسه ده، بیراق هوا ساووقلیگی اولر نینگ ایشلری گه توسیق بولگنینی معلوم قیلگن.
فواید عامه وزیرلیگی سوزلاوچیسی محمداشرف حقشناس نینگ ایتیشیچه، اولکه یشاوچیلری اینیقسه شمالی ولایتلر اهالیسی حاضرگی کونده خواک کوتلی و دوشی_بامیان قتناو یوللری بیلن سفر قیلماقده. او یولاوچیلردن حوصله و کوپ احتیاط قیلیشلرینی سورهیدی.
بیزلرنینگ «ایکس» ترماغی ده هم تعقیب قیلینگ!
سالنگ قتناو یولی نینگ ۸۰ کیلومتر اسفالت قیلیش ایشی قریب ایکی آی آلدین باشلنگن. اوشبو قتناو یول مملکت نینگ شمالی ۹ ولایتینی پایتخت کابل بیلن باغلهیدی.
سالنگ مملکت نینگ مهم قتناو یوللریدن سنلهدی، یولاوچیلر گه علاوه کوپ سانده سوداگرلیک توارلر اوشبو یول بیلن کابل و باشقه ولایتلر گه انتقال بیریلهدی.