سلام‌وطندار نینگ تیکشیروی اساسیده، سونگی آی‌لرده دولت اداره‌لری نینگ میدیالر بیلن اطلاعات نی شریک قیلیش میزانی کمه‌یگن؛ حکومت اداره‌لری میدیالر و اطلاعات مرکزی ده خبری ییغیلیش‌لر آرقه‌لی اوز معلومات‌لرینی میدیالر بیلن شریک قیلسه ده، لیکن اوتگن ایکی آی ده یالغیز کیچیک اوچ خبری کنفرانس یولگه قوییلگن.
سرپرست حکومت نینگ حج‌واوقاف وزیرلیگی، میلادی اوشبو ییل نینگ می آیی اول‌لریده، حاجی‌لر نینگ حج گه یوباریش اوچون مطبوعاتی ییغیلیش اوتکزگن، شونینگدیک برشنا شرکتی ۴ جون ده و آزیق_آوقات و دارو ملی اداره‌سی، ۸ جون ده مطبوعاتی ییغیلیش اوتکزیب و خبرچیلر نینگ سوال‌لری گه جواب قیتیرگنلر.
تشقی ایشلر، ایچکی ایشلر، ملی مدافعه و مالیه وزیرلیک‌لری کبی کلیدی ارگان‌لر مسئوللری، سونگی بار قویاش اوشبو ییل نینگ اول‌لریده مطبوعاتی ییغیلیش اوتکزیب و اوتگن ییل ایش گزارش‌لری حقیده معلومات کیریتگن ایدیلر و اوندن بویان مذکور اداره‌لر مسئوللری مطبوعاتی هیچ بیر ییغیلیش ده خبرچیلر حضوری گه قرار تاپمه‌ی و اولر نینگ سوراق‌لری گه جواب قیتیرمه‌گنلر.
بونگه علاوه، سونگی آی‌لرده حکومت اداره‌لری نینگ سوزلاوچیلری خبرچیلر نینگ حضوری بیلن هیچ بیر خبری ییغیلیش اوتکزمه‌گن.
بیزلرنینگ فیسبوک صحیفه‌میزگه باش اورینگ!
نی یا که افغانستان ایرکین میدیالریدن حمایت قیلووچی نهاد مسئولی ظریف کریمی، اوشبو وضعیت دن خواطر بیلدیریب ایتیشیچه: «حکومت اداره‌لری قانون اساسیده، اولکه یشاوچیلرینی اوز ایشلریدن آگاه قیلیش و حساب بیریش اوچون خبری کنفرانس اوتکزیب و میدیالر بیلن معلومات‌لرینی شریک قیلیشی کیره‌ک.»
اسلام امیرلیگی حکومتی دنیا همجمعیت تامانیدن حاضرگچه تن آلینمه‌گن بولسه ده، بیراق دیپلوماتیک ارگان‌لر مسئوللری و سرپرست حکومت تشقی ایشلر وزیرلیگی سوزلاوچیسی، سونگی آی‌لرده هیچ مطبوعاتی ییغیلیش اوتکزمه‌گن.
امنیتی ارگان‌لر سوزلاوچیلری حتا، افغانستان خوفسیزلیک وضعیتی گه دایر دنیا همجمعیت نینگ خواطرلری، ایران چیگره‌چیلری بیلن توقنشوو و مملکت ده یوز بیرگن بیر قطار امنیتی واقعه‌لر باره‌سیده میدیالر بیلن هیچ قنده‌ی معلومات نی شریک قیلمه‌گن.
ایکی کون آلدین ایچکی ایشلر وزیرلیگی سوزلاوچیسی خبرچیلر بیلن مطبوعاتی ییغیلیش اوتکزیب، مملکت نینگ شمال و شمال‌شرقی ولایت‌لری گه ایچکی ایشلر وزیرلیگی سرپرستی سراج‌الدین حقانی نینگ سفری باره‌سیده معلومات بیرگن.
شونینگدیک، مملکت ده کمبغل‌لیک‌لر و ناگران‌لر سانی کوپه‌یشی و اوشبو ییل مالی بودجه سندی تقدیری نامعلوم‌لیگی بیلن، اسلام امیرلیگی مالیه و اقتصاد وزیرلیک‌لری نینگ سوزلاوچیلری بوتوغریده یشاوچیلر گه آگاهی‌لیک بیریش اوچون مطبوعاتی ییغیلیش اوتکزمه‌گنلر.
برچه‌سی بیلن، خبرچیلر اطلاعات گه قول تاپه آلمسلیک‌لریدن شکایت قیله‌دی.
خبرچی‌لردن اسلام‌الدین احمدی نینگ ایتیشیچه: «بولیب اوته‌دیگن کنفرانس‌لرده، اسلام امیرلیگی مسئوللری خبرچیلر نینگ سوال‌لری گه قانیقرلی جواب قیتیرمه‌یدیلر.»
بیزلرنینگ توییترده هم تعقیب قیلینگ!
خبرچی‌لردن باشقه بیری گل‌احمد همکار گه کوره: «مسئوللر حکومت منفعتی گه بولگن موردلرنی میدیالر بیلن شریک قیلیشه‌دی، بو موردلر اجتماعی ترماق‌لرده هم نشر بوله‌دی، بیراق اطلاعات گه قول تاپیش اوچون خبرچیلر بیلن همکارلیک بولمه‌یدی.»
اسلام امیرلیگی حاکمیتی زمانیده معارف و عالی اوقوو وزیرلیک‌لری تامانیدن قیزلر یوزی گه مکتب‌لر و بیلیم یورت‌لر ایشیگی یاپیلیشیدن کیین، اوشبو وزیرلیک‌لر میدیالر بیلن هیچ قنده‌ی معلومات نی شریک قیلمه‌گن و حتا اسلام امیرلیگی معارف وزیرلیگی نینگ میدیالر سوال‌لری گه جواب قیتیریش اوچون انیق سوزلاوچیسی یوق و عالی اوقوو وزیرلیگی هم خبرچیلر نینگ سوال‌لری برابری ده ایم_سیم‌لیک اختیار قیلگن.
سونگی کون‌لرده قطار اداره‌لر نینگ سوزلاوچیلری جمله دن ساغلیق‌نی سقلش، قاچقینچیلر، ناگران‌لر و شهیدلر وزیرلیک‌لری سوزلاوچیلری نینگ سفری باعث، مذکور اداره‌لر تامانیدن اطلاعات میدیالر بیلن شریک قیلینمه‌یدی.
برچه‌سی بیلن، معلومات و مدنیت وزیرلیگی، اطلاعات گه قول تاپیش جریانینی قولی‌لشتیریش مقصدیده سعی‌وحرکت قیله‌یاتگنیدن ایشانچ بیره‌دی.
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی نینگ سلام‌وطندار گه ایتیشیچه: «دولت اداره‌لری و وزیرلیک‌لر اطلاعات نی یشاوچیلر و خبرچیلر بیلن شریک قیلیش اوچون وقتیده مطبوعاتی ییغیلیش اوتکزیش مقصدیده تلاش قیلماقده‌میز.»
بوندن آلدین، خبرچیلر ایش مصؤنیتی یوق‌لیگی و اطلاعات ایشلریده سانسور قیلیش قیینچیلیگی بیلن روپه‌ره لیکلریدن شکایت قیلگنلر.
