سرپرست حکومت امتحانلر ملی ادارهسی سرپرستی عبدالباقی حقانی، بوگون (شنبه، ۱۰-سنبله)، حکومت نینگ اطلاعات و ییتکرمه‌لر مرکزی‌ده امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشیچه، اوشبو اداره سونگی بیر ییل‌ده ۱۷۷ مینگ ۲۰ کیشی‌دن سیناو آلیب و غالب بولگن ۸۷ مینگ ۱۰۳ کیشی‌نی تورلی اداره‌لر گه تانیشتیرگن.
عبدالباقی حقانی نینگ کوپه‌یتیریشیچه: «تخنیکی و اداری پروسه‌لر نینگ ستندردلشتیریش، کانکور سیناوی نینگ جامع سیستمی نی یره‌تیش، استراتژیک پلان ترتیب‌لش و افغانستان امتحانلر قانون لایحه‌سی همده ۱۰ ته ترتیب و ایکی‌ته قانون لایحه‌سی نینگ عملگه آشیریلیشی، سونگی بیر ییل‌ده آلینگن اونملی آدیم‌لر دیر.»
بیزلرنینگ فیسبوک صحیفه‌میزگه باش اورینگ!
سرپرست حکومت امتحانلر ملی ادارهسی سرپرستی گه کوره، ۱۴۰۳-ییل‌ده آلینگن کانکور سیناوی‌ده ۹۷ مینگ ۹۱۷ کیشی گه شامل بولیش کارتی چاپ بولیب، سیناو سوراق‌لری تورت تیل (پشتو، دری، اینگلیزچه و عربچه) گه ترتیب و ۱۶۰ دقیقه‌دن تورت ساعت گه سیناو وقتی کوپه‌یشی بیلن، طلبه‌لر گه کیره‌کلی آسایشته‌لیکلر یره‌تیلدی.
حقانی نینگ اورغولشیچه، اوتگن بیر ییل‌ده امتحانلر ملی ادارهسی ۴۰ مینگ اوقیتووچی نینگ سیناوی آلینیشی مقصد، معارف وزیرلیگی بیلن همکارلیک شرطنامه‌سینی امضا قیلگن. شونینگدیک امتحانلر ملی ادارهسی سرپرستی نینگ ایتیشیچه، بیرینچی مرته بو اداره نینگ ایکینچی بولیم‌لری قندهار، هرات، بلخ، بامیان، قندوز، پکتیا و ننگرهار حوزه‌لریده ایجاد بولگن.
شونده‌ی بیرحالده، بو برنامه‌ده امتحانلر ملی اداره‌سیده سوراقلر بانکی ایشلری بوییچه تنظیم قیلووچی باشلیغی عرفان‌الله عباد نینگ ایتیشیچه، اوتگن بیر ییل‌ده تورلی بولیم‌لر نینگ جمعی ۵۸ سیناوی شفافلیک بیلن آلینیب و اونینگ نتیجه‌سی هم اعلام بولگن.
بیزلرنینگ «ایکس» ترماغی ده هم تعقیب قیلینگ!
عباد نینگ کوپه‌یتیریشیچه: «اوتگن بیر ییل‌ده ۱۴۰۳-ییلی عمومی، متفرقه، اختصاص، دینی علوم کانکور سیناولری، ماسترلیک برنامه‌لری، علمی سویه نی تثبیت‌لش، مالیه وزیرلیگی، طبی کینگش، ساغلیق‌نی سقلش وزیرلیگی، امر بالمعروف و نهی عن‌المنکر وزیرلیگی، حربی اکادمی‌لر و باشقه اداره‌لر نینگ سیناولری اوچون قریب ۲۰۰ مینگ ثبت نام فورمی ترقه‌تیلیب و توپلنیش‌دن کیین بو اداره سیستمی‌ده ثبت بولگن.»
امتحانلر ملی ادارهسی مسئوللری نینگ کوپه‌یتیریشلریچه، ۱۴۰۴-ییل کانکور سیناوی اوچون کیره‌کلی تدبیرلر آلینیشی، افغانستان امتحانلر قانون لایحه‌سی نهایی بولینیشی، اداره‌لر نینگ جمعی سیناولری یولگه قوییلیشی، سیستم‌لر نینگ رواجلنتیریلیشی، ییتی حوزه بوییچه اداره نینگ ایکینچی بولیم‌لری جهازلنتیریلیشی و تخنیکی و اداری سیستم‌لر نینگ ستند‌رد‌لنیشی و ساده‌لنتیریلیشی، بو اداره نینگ جاری ییل‌گی اولویت‌لریدن دیر.
