سیدالشهدا مکتبی اوستیگه اویوشتیریلگن هجوم دن ۴۰ کون اوتیشی بیلن، قربانیلر عایله‌لری حاضر هم عزیزلری نینگ قولدن بیرگن‌لیک دردی گه کویماقده‌لر.
اولرنینگ ایتیش‌لریچه، بو حادثه دن ۴۰ کون اوتیشی بیلن حکومت حادثه عامل‌لرنی تانیش و جزالنتیریش خصوصیده، توجه قیلمه‌گن و بو حادثه نینگ قنده‌یلیگی توغریسیده حاضرگچه هیچ قندی معلومات قولگه کیلمه‌گن.
قربانیلر عایله‌لری افغانستان حکومتی حقیده امیدسیزلیک بیلدیریش بیلن خلق‌ارا ایشانچلی نهادلردن، اوقووچیلر اولدیریلگنی قضیه‌سی نینگ تیکشیریشی نی سوره‌شگن.
اولر بیر قطع نامه صادر قیلیش بیلن هزاره‌لرگه قرشی ریجه‌لنگن ترولر خصوصیده خواطر بیلدیریب و انسانی حقلر نهادلری اینیقسه بیرلشگن ملتلر تشکیلاتی و اروپا بیرلیگیدن، هزاره‌لر اولدیریلیشی نینگ آلدینی آلیش اوچون، بونده‌ی هجوم‌لرنی نسل اولدیریش گه ماس صفتیده رسمیت گه تانیشی نی سوره‌شگن.
- سیدالشهدا مکتبی اوستیگه اویوشتیریلگن هجوم تیکشیریلمه‌گن
- کابل غربیده‌گی پارتلشلر؛ اهالی قندهی واسطهلردن فایدهلنیشنی بیلمهیدی
- کینگش: حکومت کابل غربی نینگ خوفسیزلیک مسئولیتی نی اهالی گه تاپشیرسین
- اوتگن کون کابل ده یوزبیرگن پارتلش قربانیلری نینگ عایله‌لری حکومت نی کوچسیزلیککه عیبلهگن
ایتیش کیره‌ک جاری ییل ۱۸- ثور ده کابل غربیده سیدالشهدا مکتبی اوچ ماین پارتلش حادثه‌سیگه دوچ کیلدی. بو پارتلش‌لرده کمیده ۱۰۰ قیز اوقووچی هلاک و ۲۴۰ دن آرتیق کیشی ایسه یره‌لندی.
بو هجوم کوپینچه عکس‌العمل‌لرگه روپه‌رو بولدی. مملکت یشاوچی‌لری کابل غربیده اویوشتیریله‌دیگن هجوم‌لرنی، انسانی جنایت و نسل اولدیریش گه ماس دیگنلر.
