ایران نینگ ۲۰ تُن‌لیک انسان‌پرورلیک یاردملری بلخ گه ییتیب کیلگن.
بلخ حاکمی اورین‌باسری نورالهادی ابوادریس نینگ ایتیشیچه، سونگی سوو تاشقینلر نتیجه‌سیده زیان کورگنلر نی قوللب-قوتلش مقصد، ایران نینگ انسان‌پرورلیک ایلک یاردملری اوتگن کونی بلخ گه ییتیب کیلگن.
بیر هفته‌دن کوپراق زمان‌دن بویان بغلان، غور، تخار، فاریاب، بدخشان، سمنگان، بادغیس، بامیان و کاپیسا ولایت‌لریده هلاکتلی سوو تاشقینلر یوز بیریب و کوپنیچه مالی و جانی زیان‌لر گه سبب بولگن.
افغانستان ده یوز بیرگن سوو تاشقینلردن زیان کورگنلر وضعیتی خصوصیده خلق‌ارا خواطرلر بیلن بیرگه، غور و بغلان ده سوو تاشقینلریدن زیان کورگنلر آزیق-آوقت، ایچیم‌لیک سوو و باش‌پنه امکانیت‌لریگه قول تاپه آلمسلیکدن شکایت قیلیب و ایتیشلریچه، مسئول نهاد‌لر اولر گه یاردم بیرمه‌گن.
قاچقینلر وزیرلیگی، ۲۹-ثور، شنبه کیچه فاریاب ده یوز بیرگن سوو تاشقین‌لری عاقبتیده ۱۸ کیشی هلاک بولیب و باشقه ایکّی کیشی یره‌لنگنیدن خبر بیرگن. اوشبو وزیرلیک بوگون ایکس اجتماعی ترماغی ده بیر بیانیه ترقه‌تیب، سوو تاشقین‌لری پشتون‌کوت، المار، قیصار، بلچراغ، خیبر و دولت‌آباد تومنلریده یوز بیرگنینی یازگن.
«باله‌لریم نی چیقرگن ایدیم؛ آوقت‌لنیش پیتیده سیل کیلدی. هیچ نرسه‌سی نی قوتقره آلمه‌دیک، یالغیز بیر باتری نی اوزیم بیلن آلیب چیقدیم و باشقه همه نرسه سوو آستیده قالیب و سوو تاشقینی گه کیتدی.»
غور ولایتی مرغاب و چهارسده تومن‌لری یشاوچیلریدن قطاری نینگ ایتیشلریچه، مذکور ولایت‌ده ویران قیلووچی سوو تاشقین‌لری نینگ یوز بیرگنی، ایچیم‌لیک سوو منبع‌لری افلاسلنیشی و کسل‌لیکلر کوپه‌یشی گه سبب بولگن.
غور ده محلی مسئوللر نینگ ایتیشلریچه، حاضرگچه اوشبو ولایت نینگ شهر و تومنلریده یوز بیرگن سوو تاشقینلر نتیجه‌سیده، ۱۳ کیشی اولگن.
سمنگان ده سوو تاشقینی یوز بیرگنی نتیجه‌سیده، بیر کیشی اولگن. سمنگان امنیه قوماندانلیگی سوزلاوچیسی حشمت‌الله رحمانی نینگ ایتیشیچه، اوتگن پنج‌شنبه کونی عصر چاغی ساعت ۰۵:۰۰ اطرافیده، مذکور ولایت دره‌ی‌صوف پایین تومنی‌ده یوز بیرگن سوو تاشقینی نتیجه‌سیده، بیر کیشی اولگن.
خلق‌ارا ساغلیق‌نی سقلش تشکیلاتی اوتگن کون (سه‌شنبه، ۲۵-ثور)، بیر گزارش ترقه‌تیش بیلن ایتیشیچه، افغانستان نینگ سوو تاشقینی‌دن زیان کورگن منطقه‌لریده عیال شفاکارلرگه نیاز بار. اوشبو نهاد نینگ کوپه‌یتیریشیچه، افغانستان ده یوز بیرگن سونگی سوو تاشقینلر نتیجه‌سیده، عیال‌لر و باله‌لر کوپراق زیان کوریب و انه شوو سبب، هر بیر ساغلیق تیم نینگ عیال ساغلیق ایشلاوچیلری گه نیازی بار.
سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته (۲۷-ثور، پنج‌شنبه کونی) مملکت نینگ ۲۲ ولایتیده کوچلی یامغیر یاغیب، سوو تاشقینی و بوران یوز بیریش احتمالی‌دن آگاه‌لنتیرگن.
بدخشان نینگ تشکان، کوهستان، تگاب، درایم و وردوج تومنلریده یوز بیرگن سونگی سوو تاشقینلریدن زیان کورگنلردن قطاری، یاردملر ترقه‌تیلیش جریانی سُست‌لیگیدن شکایت قیلیب و ایتیشلریچه، مذکور ولایت‌ده سوو تاشقین‌لری یوز بیرگنی‌دن نیچه کون اوتگنی بیلن یالغیز چادر و نیچه ته ایدیش قولگه کیلتیرگنلر.
قطر نینگ اوشبو انسان پرورلیک یاردملری بوگون (۲۴-ثور، دوشنبه کونی) توشدن سۉنگ مذکور مملکت وکیل‌لری تامانیدن مزارشریف شهری ده مولانا جلال‌الدین محمد بلخی هوا قونالغه‌سیده اسلام امیرلیگی مسئوللری گه تاپشیریلگن.
بغلان ده ویران قیلووچی سوو تاشقینلردن زیان کورگنلردن قطاری، برچه نرسه‌لرینی قولدن بیریب و هیچ بیر امکانیت‌لری قالمه‌گنیدن خواطر بیلدیریب ایتیشلریچه، وقتینچه‌لیک باش‌پنه، آزیق-آوقت محصولاتلری و ساغلیق امکانیت‌لر گه عاجل نیازلری بار.
بلخ ولایتی محلی مسئوللری نینگ ایتیشلریچه، سوو تاشقینلریدن زیان کورگن عایله‌لر گه یاردم بیریش مقصد، بغلان ولایتی گه آزیق-آوقت محصولاتی بیلن بیر قطار نرسه یوباریلگن.
بغلان ولایتی کرکر منطقه‌سیده‌گی قوم بویوکی حسام‌الدین نینگ ایتیشیچه، اوشبو منطقه یشاوچیلری برچه نرسه‌لری نی قولدن بیرگنلر و بو منطقه‌ده یوز بیرگن سونگی سوو تاشقینلر نتیجه‌سیده، کمیده ۱۵۰ عایله زیان کورگن.
قندوز و پنجشیر ولایت‌لری نینگ محلی مسئوللری، بغلان ده سوو تاشقین‌لری طفیلی جبرلنگنلر گه یاردم بیریش اوچون اوشبو ولایت گه یاردم بیرووچی تیملری نینگ یوباریلگنینی معلوم قیلگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
