تخار‌‌ ولایتی ۱۲ تومنی‌ده ستندرد کسل‌خانه‌لر قوریله‌دی

تخار ده محلی مسئوللر‌، اوشبو ولایت‌نینگ ۱۲ تومنی‌ده ستندرد کسل‌خانه‌لر قوریلیشی‌دن خبر بیرگنلر. تخار ولایت مقامی سوزلاوچیسی محمد‌عارف عارف‌نینگ ایتیشیچه، اوشبو کسل‌خانه‌لر حکومت رهبریتی‌نینگ بویروغی اساسیده، ستندرد کسل‌خانه‌سی بولمه‌گن مذکور ولایت‌نینگ ۱۲ تومنی‌ده قوریله‌دی.

قندوز نینگ قلعه‌ی ذال تومنی یشاوچیلری ستندرد کسل‌خانه یوقلیگی‌دن شکایت قیله‌دیلر

قندوز ولایتی قلعه‌ی ذال تومنی یشاوچیلریدن قطاری نینگ سلام‌وطندار گه ایتیشلریچه، اولر نیچه دهه‌دن بیری اوشبو تومن‌‌ده ساغلیق خذمت‌لر رواجلنیشی نی ایسته‌گنلر؛ بیراق اولر نینگ بو ایسته‌کلری عمل گه آشیریلمه‌گن. اولر گه کوره، مذکور تومن کسل‌خانه‌سی ۱۰ یاتاقلی بولگنی سبب، برچه مراجعت قیلووچیلر اوچون ییترلی ایمس. شونینگدیک اولر قلعه‌ی ذال تومنی کسل‌خانه‌سیده ستندرد اوسکونه‌لر یوقلیگی‌‌دن شکایت قیلیب ایتیشلریچه، ییل‌لردن بیری کسل‌لری نینگ دوالنیشی اوچون قندوز مرکزی گه انتقال بیره‌دیلر.