هرات ده یوز بیرگن اولیم‌لی زلزلهدن قریب ۶ آی اوتگنی بیلن؛ بیراق اوشبو ولایت نینگ بیر قطار بولیم‌لریده‌گی زلزلهدن زیان کورگن یشاوچیلردن قطاری یشش اوی‌لر، ساغلیق مرکزلر و ایکین‌زارلر نینگ قیته قوریلیشی خصوصیده سرپرست حکومت و تشقی یاردم بیرووچی تشکیلات‌لر نینگ توجه‌سیزلیگی‌دن شکایت قیلگنلر.
اولر نینگ ایتیشلریچه، یوز بیرگن زلزلهدن قریب آلتی اوتگنی بیلن، بیراق حاضرگچه چادرلر آستیده حیات کیچیریب و باله‌لری دیوارلری یاریلگن مکتب‌لرده درس اوقیماقده.
هرات ولایتی گذره، زنده‌جان و انجیل تومنی یشاوچیلری نینگ سلام‌وطندار بیلن اوتکزگنلری صحبت‌لرده، اوی‌لری نینگ قیته قوریلیشی خصوصیده دولت نینگ عملی شکلده اقدام قیلیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
اوشبو ولایت گذره تومنی یشاوچیلریدن عزت‌الله نینگ سلام‌وطندار گه ایتیشیچه: «زلزله طفیلی اوی‌لریمیز خراب بولدی، حاضرگچه بیزلر گه اوی قوریلمه‌گن. کرایی اوی گه حیات کیچیره‌میز. ایکینچیلیک یولی آرقه‌لی درآمد قولگه کیلتیره‌ر ایدیک، او هم قولیمیزدن کیتدی. سیگیر و چاروه‌میز بار ایدی، اولر هم اوی‌لر آستیده قالدی. ۶ باله‌م بار و کوپینچه قیین‌چیلیک بیلن روپه‌ره‌میز.»
شونینگدیک هرات ولایتی انجیل تومنی یشاوچیلریدن عابد نینگ ایتیشیچه: «اوی‌لر و مکتب‌لر بوتونلی خراب بولمه‌گن، بیراق دیوارلری یاریلگن. اولر نینگ بیردن ییقیلیشی خصوصیده قورقه‌میز، باله‌لر درس اوقیش اوچون مکتب کیتگنی‌ده هم قورقه‌میز که صنف‌لر اوستلری گه ییقیلمه‌سین دیب.»
عین حالده، هرات ده مدنی فعال‌لردن زلمی صابر، اوشبو ولایت‌ده زلزلهدن زیان کورگنلر وضعیتی گه اشاره قیلیب ایتیشیچه، باش‌پنه‌سیزلردن قطاری گه اوی قوریلمه‌گنی گه علاوه، اوی‌لری یاریلیب و اهالی ساغلیگی نی تهدید قیله‌دیگن اوی‌لر وضعیتی خصوصیده هم جدی توجه صورت تاپمه‌گن.
جناب صابر نینگ کوپه‌یتیریشیچه، حاضرگچه زلزلهدن زیان کورگنلر اوچون قیته قوریلیش ایشلری ییترلی ایمس. «بلکیم ۲ مینگدن آرتیق اوی قوریلگن بولسه، بیراق ۶۰ مینگدن آرتیق یشش اوی خراب بولگن و قیته قوریش گه نیاز بار. زلزلهدن زیان کورگنلر دوالنیش و ساغلیق گه نیازلری بار. دیوار نینگ یاریلگنی بیر یامغیر و زلزله بیلن کوپینچه تلفات گه سبب بولیشی ممکن. ایکینچیلیک و ایکینچیلیک ایشلری اورته‌دن کیتگن.»
شونینگدیک اوتگن کون بیرلشگن ملتلر تشکیلاتی بیر گزارش ترقه‌تیش بیلن، هرات ده زلزلهدن زیان کورگنلر نینگ نیازلری حل بولیشی و کورگنلری زیان‌لر نینگ جبران بولیشی اوچون، ۴۰۰ میلیون‌دن آرتیق دالر گه نیاز بولگنی نی بیان قیلگن.
بیزلرنینگ «ایکس» ترماغی ده هم تعقیب قیلینگ!
خلق‌ارا دنیا بانکی، اروپا بیرلشمه‌سی و آسیا ترقیات بانکی آرقه‌لی و بیرلشگن ملتلر تشکیلاتی نینگ همکارلیگی بیلن یازیلگن اوشبو گزارش نینگ بیر بولیمیده کیلیشیچه: «اولیم‌لی زلزلهدن کیین، افغانستان نینک غرف تامانیده قیته قوریش خصوصیده سعی و حرکت‌دن حمایت قیلیش اوچون، ۴۰۲.۹ میلیون دالر گه نیاز بار، چونکه زلزلهدن زیان کورگن ۹ منطقه‌ده قریب ۲.۲ میلیون کیشی زیان کوریب و قریب ۵۰ مینگ یشش اوی زیان کورگن و ۱۳ مینگ ۵۱۶ یشش اوی بوتونلی شکلده ویران بولگن.»
شونینگدیک بیرلشگن ملتلر تشکیلاتی گزارشی‌ده، زلزله طفیلی تعلیم، ایکین‌زارلر و ساغلیق خذمتلر نی ارائه قیلووچی مکان‌لر نینگ جدی شکلده زیان کورگنی و قیته قوریلیش گه نیاز بولگنی خصوصیده تاکید بولگن.
ایتیش کیره‌ک که، زلزلهدن زیان کورگنلر نینگ نیازلری و قیین‌چیلیکلری حلی اوچون بولگن سعی و حرکت‌لر خصوصیده هرات ده زلزلهدن زیان کورگنلر گه یاردم ییتیشتیریش کمیته مسئوللری نینگ فکری نی آلیش ایسته‌دیک؛ بیراق اولر بو توغریده سلام‌وطندار نینگ سوراق‌لری گه جواب قیترمه‌دیلر.
