۴۰ ییل‌دن بویان هرات ده‌گی زعفران ایکین‌زارلریدن بیریده ایشله‌یدیگن معصومه نینگ ایتیشیچه، بوش دسترخوان بیلن باله‌لری نینگ آچلیگی اونینگ ایرتنگ‌دن آخشم‌گچه آز معاش برابریده زعفران ایکین‌زارلریدن بیریده ایشلش گه مجبور قیلگن.
مذکور ایشلاوچی عیال، ییل‌لردن بیری هرات ده باشقه مینگ‌لب عیال کبی ایشلب و هر بیر کیلوگرام زعفران نی پاک‌لش برابریده، ۵۰ افغانی قولگه کیلتیره‌دی. بانو معصومه نینگ ایشانچی گه کوره، گل نی گلبرگ‌دن اجره‌تیش قوله‌ی بیر ایش ایمس و ایرتنگ‌دن آخشم‌گچه اوچ-تورت کیلوگرام زعفران نی پاک‌له‌یدی.
اونینگ سلام‌وطندار گه ایتیشیچه: «بیزلر گه فایده قالمه‌یدی؛ هر بیر کیلوگرام نی ۵۰ افغانی‌گه پاک قیله‌یمن؛ ایرتنگ‌دن آخشم‌گچه او ییرگه‌من. ایش باسیمی جوده‌یم کوپ. ایش کمه‌یگنی‌دن ۵۰ افغانی هم کمه‌یه‌دی. باشقه بیر ایش یوق و ایشلش گه مجبور‌میز.»
بیزلرنینگ «ایکس» ترماغی ده هم تعقیب قیلینگ!
هرات یشاوچیلریدن باشقه بیری علی‌زایی، معصومه کبی زعفران ایشی کوپ‌لیگی و آغیرلیگی‌دن شکایت قیلیب و ایتیشیچه، ۲۰ ییل‌دن بیری کونده‌لیک معاش بیلن زعفران بولیمیده ایشله‌‌ب و بو یول آرقه‌لی پول قولگه کیلتیره‌دی. او محلی مسئوللر و همکار نهادلردن قیین‌چیلیکلری حل بولینیشی نی ایسته‌گن.
علی‌زایی نینگ کوپه‌یتیریشیچه: «بازار تاپیش بولیمی، بازار قیین‌چیلیکلری هم شرکت‌دن باشلب و دهقان‌گچه، برچه‌میز نینگ قیین‌چیلیکلریمیز بار. بو موضوع‌لر خصوصیده دولت و تشقی موسسه‌لر نینگ همکارلیک قیلیشی کیره‌ک و ایکینچیلیک ریاستی هم کوچلری ییتیشگونچه قدر ایشلر نی شرکتلر و دهقانلر اختیاری گه قرار بیرگنلر؛ بیراق اولر نینگ بو همکارلیگی ییترلی ایمس؛ کوپینچه قیین‌چیلیگی‌میز بار.»
شونده‌ی بیرحالده، هرات زعفران ایشلاوچیلری بوییچه بیرلشمه‌سی باشلیغی محمدابراهیم عادل نینگ ایتیشیچه، ایکینچیلردن کوپ قطاری زعفران ایکیلیشی گه یوز کیلتیرگنلر و هر کونی بو محصول نینگ خلق‌ارا بهاسی کوپه‌یه‌دی. اونینگ کوپه‌یتیریشیچه، اوتگن ییل هرات ده ۲۱ تُن زعفران ایشلب چیقریلگن.
هرات زعفران ایشلاوچیلری بوییچه بیرلشمه‌سی باشلیغی نینگ اورغولشیچه: «افغانستان ده زعفران ایشلب چیقریلیشی یخشی بولیب و کوپه‌یگن؛ افغانستان ده اونینگ قیمتی یوقاری بولگنی اوچون دهقانلر و تولید قیله‌دیگنلر کوپینچه قیزیققنلر؛ چونکه بیر کیلوگرام زعفران قیمتی ۱۲۵ مینگ افغانی گه ییتیشگن و دهقانلر اونینگ ایکیلیشی گه یوز کیلتیرگنلر.»
هرات ده زعفران ایشلاوچیلری کونده‌لیک معاشلری آزلیگی‌دن شکایت قیلگنلری بیرحالده، مذکور ولایت زعفران ایشلاوچیلری بوییچه بیرلشمه‌سی باشلیغی بازارده زعفران بهاسی کوپه‌یشی نی بیان قیلگن.
بیزلرنینگ فیسبوک صحیفه‌میزگه باش اورینگ!
عین حالده، هرات ده محلی مسئوللری زعفران ایکیلیشی کوپه‌یشی‌نی بیان قیلیب و ایتیشیچه، مذکور ولایتده ۷۵۰۰دن آرتیق هکتار ییر گه زعفران ایکیلیب و ۲۰ مینگ عایله زعفران ایشلب چیقریش بولیمیده مستقیم و غیرمستقیم شکلده مصروفلر. اوشبو مسئوللر زعفران ایکین‌زارلری و کارخانه‌لرده ایشله‌یدیگن ایشلاوچیلر معاشی گه تیگیشلی طرف‌سیزلیک قیلیب و ایتیشلریچه، هر بیر ایشلاوچی زحمتی گه قرشی معاش قولگه کیلتیره‌دی.
هرات ایکینچیلیک، سووغاریش و چاروه‌چیلیک ریاستی نینگ ایکینچیلیک بوییچه آمری محمدنسیم سحر نینگ ایتیشیچه: «بو موضوع نی نه تصدیق قیله آله‌میز و نه رد؛ هر کیم اوز زحمتی گه قره‌ب فایده آله‌دی؛ بازار هر کیم گه بیللی؛ حاضر ایسه ۱۲۰ مینگ-۱۳۰ مینگ افغانی گه دیر و هم بیر دهقان و سوداگر اوز فایده‌سی نی آله‌دی و ایکینچیلیک ریاستی سعی‌و حرکت قیله‌دی و ایکینچیلیک ریاستی ایکیلیش‌دن ییغیم-تیریم‌گچه دایم اولر بیلن همراه دیر.»
هرات ده زعفران ایشلاوچیلریدن قطاری نینگ بیاناتی اساسید، سوداگرلر و صناعتچیلردن قطاری ایشلاوچیلر نینگ اقتصادی قیین‌چیلیگی مجبوریتی‌دن قوللنیب و آغیر ایش برابریده اولر گه آز معاش بیره‌دیلر.
