داعش گروهی، کابل شهری ده تشقی ایشلر وزیرلیگی سرکی ده اویوشتیریلگن خودکش هجوم مسئولیتینی تن آلگن. داعش گروهی گه باغلیق اعماق آژانسی، چهارشنبه کیچه کیچ قورون، ۲۱ جدی، ترقه‌تگن بیانیه‌سیده، کابل ده تشقی ایشلر وزیرلیگی یقینیده اویوشتیریلگن هجوم اوشبو گروه نینگ ایشی دیر.
داعش گروهی، مذکور هجوم دن مقصد، تشقی ایشلر وزیرلیگی رسمی‌لری بیلن خارجی دیپلومات‌لر نینگ ملاقات‌لرینی بوزیش عنوان قیلگن. واقعه دن نیچه ساعت اوتگچ اعماق آژانسی، یوزینی یاپگن بیر کیشی نینگ عکسینی ترقه‌تیب، مذکور هجوم «خیبرالقندوزی» اسملی کیشی تامانیدن اویوشتیریلگنینی ادعا قیلگن.
اوشبو هجوم اوتگن کون عصر چاغی ساعت ۴:۰۰ اطرافی ده یوز بیرگن. کابل امنیه قوماندان‌لیگی سوزلاوچیسی خالد زدران اوز توییتری ده یازیشیچه، تشقی ایشلر وزیرلیگی سرکی ده اویوشتیریلگن هجوم عاقبتیده بیش تینچ اهالی هلاک بولگن. کابل امنیه قوماندان‌لیگی سوزلاوچیسی گه کوره، مذکور هجوم ده قطار کیشی‌لر یره‌دار بولگن. لیکن او یره‌دارلر رقمی حقیده بیلگی بیرمه‌گن.
بیزلرنینگ فیسبوک صحیفه‌میزگه باش اورینگ!
عین‌حالده، کابل ایمرجنسی کسلخانه‌سی گه کوره، تشقی ایشلر وزیرلیگی یقینیده اویوشتیریلگن پارتلش عاقبتیده ۴۰ دن آرتیق کیشی اوشبو کسلخانه گه انتقال بیریلگن. چهارشنبه کیچه، ۲۱ جدی، ایمرجنسی کسلخانه‌سی نینگ بیانیه‌سی اساسیده، مذکور هجوم تلفاتی آشماقده و نهایی رقمینی انیقلش قیین دیر.
ایمرجنسی کسلخانه ایشلاوچیلری نینگ معلوماتی اساسیده، یره‌دارلر دارو_دوالنماقده و آشخانه و آوقات‌لنیش سالن‌لرده اضافه تخت‌لرنی اورنتگنلر. کابل ایمرجنسی کسلخانه‌سی نینگ کوپه‌یتیریشیچه، اوشبو میلادی ییل ده بیرینچی مراتبه دیر که بیر واقعه دن توپلم یره‌دارلر مذکور کسلخانه گه انتقال بیریلگن.
کابل امنیه قوماندان‌لیگی سوزلاوچیسی نینگ یازیشیچه: «اسلام امیرلیگی مسلمان‌لر گه قرشی بو گَل «دهشتلی هجوم نی قاره له‌یدی.» اونگه کوره، مذکور واقعه عامل‌لرینی قولگه آلیب و قانون گه بناً جزالنتیره‌دیلر.
باشقه تاماندن، قطار میدیالر اوز منبع‌لریدن نقل قیلیب اوشبو واقعه ده ۲۰ کیشی هلاک بولگنیدن خبر بیرگنلر. معلومات‌لر اساسیده، تشقی ایشلر وزیرلیگی ایچیده چین دیپلومات‌لری بار ایکن خودکش هجومچیلر مذکور وزیرلیک یقینیده اوزلرینی پارتلتگن.
بیزلرنینگ توییترده هم تعقیب قیلینگ!
بو هجوم ایچکی و خارجی عکس‌العمل‌لر گه روپه‌ره بولگن. افغانستان ده بیرلشگن ملت‌لر تشکیلاتی اورین باسرلیک هیئت دفتری (یوناما)، افغانستان اوچون بریتانیا نینگ ایلچیخانه‌سی، کابل ده ایران ایلچیخانه‌سی، سابق جمهور باشلیغ حامد کرزی، سابق دولت ده ملی یره‌ش عالی کینگش باشلیغی عبدالله عبدالله و باشقه قطار سیمالر، مذکور هجوم نی قاره‌لشگن.
شونینگدیک تشقی ایشلر وزیرلیگی ترقه‌تگن بیانیه‌سیده، اوشبو هجوم نی «اسلام تیزیمی یاولری» نینگ ایشی دیب و قصاص آلینیشیدن ایشانچ بیلدیرگن. داعش گروهی اوتگن نیچه آی ده کابل شهری ده دیپلوماتیک مکان‌لرنی نشانگه آلگن. بو گروه بوندن آلدین کابل ده روسیه و پاکستان ایلچیخانه‌لری و کابل شهرنو منطقه‌سیده چین‌لیکلر نینگ مهمانخانه‌سینی نشانگه آلگن.
