خلق‌ارا سوو کونیدن «سوو ملی سرمایه دیر و اونی قوریقلش گه برچه‌میز مسئول میز» عنوانیده کابل بیلیم یورتی‌ده نشانلندی.
اوشبو احتفال‌ده کابل بیلیم یورتی مسئوللری، کابل شهری‌ده ییر آستی سوولری سېزیلرلی درجه‌ده پس توشه‌یاتگنیدن خواطر بیلدیریب ایتیشلریچه، کابل‌ده سۉنگی ۱۵ ییل ایچیده ییر آستی سوولری ۱۵ متر پس توشگن.
کابل بیلیم یورتی ییرشناس‌لیک فاکولته آمری اسدالله رحمت‌زی، مربوطه اداره‌لردن پایتخت‌ده ییر آستی سوولرینی باشقریش اوچون دقت قیلیش‌لرینی اېسته‌گن.
اونینگ کوپه‌یتیریشیچه: «۲۰۱۹ییل دن ۲۰۲۳-ییل گه قدر کابل شهری‌ده سوولر ناقانونی طرزده استعمال بولیشی اوچون ییر آستی سوولری ۱۵ متر پس توشگن.»
بیزلرنینگ فیسبوک صحیفه‌میزگه باش اورینگ!
عین‌حالده، کابل بیلیم یورتی ایکینچیلیک فاکولته باشلیغی جوهر صافی گه کوره، کابل شهری ده سوو قانونی طرزده استعمال بولیشی اوچون مربوطه نهادلر ایکینچی‌لر گه آگاهی‌لیک بیریش برنامه یولگه قوییش‌لری کېره‌ک.
اونینگ ایتیشیچه: «ایکینچی‌لر حیوان‌لر و نبات‌لر نینگ سوو گه قنچه‌لیک نیازی بارلیگینی بیلمه‌یدی، حیوان‌لر و نبات‌لر سوو گه کوپ احتیاجی بار دیب اویلشه‌دی؛ لېکن بونده‌ی اېمس مربوطه نهادلر بوتوغریده آگاهی‌لیک بیریش برنامه یولگه قوییشی کېره‌ک.»
شو بیلن بیرگه، ترانسپورت و هوا یوللری وزیرلیگی نینگ هواشناس‌لیک اداره باشلیغی محمدنسیم مرادی، اقلیم اۉزگریشینی پایتخت‌ده سوو کمهیش عاملی عنوان قیله‌دی.
او سرپرست حکومت‌دن سوو ییتیشمسلیک قیینچیلیگی حلی اوچون اېریم برنامه‌لری بولیشینی سۉره‌یدی.
اونگه کوره: «مملکت سوولری باشقریلیب و چقور قودوق‌لر قازیلیشی گه توسیق بولیش لازم، تولید قیلووچی شرکت‌لر هم کابل دن انتقال بیریلیب و سوو استعمالی اوچون اهالی گه آگاهی‌لیک بیریلیشی درکار.»
بیزلرنینگ «ایکس» ترماغی ده هم تعقیب قیلینگ!
شونینگدیک، اوشبو احتفال‌ده سوو و برق وزیرلیگی مسئوللری نینگ ایتیشلریچه، مملکت‌ده ییر اوستی و آستی سوولری اۉتگن ییل‌لر گه نسبتن کمه‌یگن.
سوو و برق وزیرلیگی نینگ وکیلی عزیز‌الرحمان عزیز گه کوره، بو وزیرلیک ییر اوستی و آستی سوولرینی باشقریش اوچون اېریم ریجه‌لرنی نظرگه آلگن.
اونینگ کوپه‌یتیریشیچه: «ییر آستی سوولرینی باشقریش اوچون بو وزیرلیک چکدم، ییر آستی سوولرینی تغذیه قیلیش و اولرنی قوریقلش اوچون اېریم ریجه‌لرنی نظرگه آلگن.
باشقه تاماندن، ایکّی کون آلدین بیرلشگن ملتلر تشکیلاتی نینگ ترقیاتی دستوری خلق‌ارا سوو کونی مناسبتی بیلن، افغانستان نینگ ۷۹ فایز خلقی ییترلی سوودن فایده‌لنه آلمسلیگینی اېتگن.
ایتیش کېره‌ک، بیرلشگن ملتلر تشکیلاتی اهالینی سوو اهمیتی حقیده آگاه‌لنتیریش اوچون ۲۳ مارچ نی خلق‌ارا سوو کونی دیب نامله‌گن.
