تخار مرکزی تالقان شهری‌ده‌گی ایشلاوچیلردن فیروز نینگ ایتیشیچه، نیچه کون‌دن بویان ایش تاپه آلمسلیک سبب بوش قول بیلن اویی‌گه کیته‌دی. یاردم قولگه کیلتیریش اوچون تخار ولایت مقامی و یاردم بیرووچی بیر قطار دفترلر گه مراجعت قیلگن فیروز نینگ کوپه‌یتیریشیچه، حاضرگچه هیچ کیم تامانیدن یاردم قولگه کیلتیرمه‌گن.
فیروز گه کوره، هوا نینگ ساووق بولیشی بیلن بیرگه، تخار ده ایشلاوچیلر ایشی هم تنزل گه یوز توتیب و انه شوو سبب، سونگی نیچه کون نی آچیلیک بیلن اوتکزگن. «مؤسسه‌لر ی-ده باشقه اداره‌لردن هیچ بیری بیز گه یاردم بیرمه‌گن. نیچه مرته عریضه قیلدیم؛ حتا بیر مرته عریضه‌میز نی حاکم امضا هم قیلدی، بیراق حاضرگچه هیچ نرسه بیرمه‌گنلر.»
فیروز یانیده تخار یشاوچیلریدن باشقه بیری و ینگی‌لیکده ایران دن قیتریلگن عنایت‌الله نینگ ایتیشیچه، ایش‌سیزلیک و قشاق‌لیک سبب، او و عایله اعضاسی یامان بیر وضعیت‌ده قرار تاپگنلر. او نیچه مرته یاردم بیرووچی نهادلر آرقه‌لی ییگولیک ماده قولگه کیلتیرگن؛ بیراق اوشبو یاردم‌لر نینگ ییترلی بیلمه‌ی و کوپراق یاردم ترقه‌تیلیشی نی کوتیب تورگن دیر.
بیزلرنینگ «ایکس» ترماغی ده هم تعقیب قیلینگ!
عنایت‌الله نینگ کوپه‌یتیریشیچه: «اوزیم بیر نیازمند کیشی؛ ایران دن کیلگنیم‌دن بیر ییل بولهدی. کوپینچه قیینچیلیک بیلن روپه‌ره‌مین و بازارده هم ایش یوق. هوا نینگ ساووق‌لیگی سبب، مؤسسه‌لر نینگ یاردمی هم ییترلی ایمس. حکومت‌دن بیز گه کوپراق یاردم بیریلیشی نی ایسته‌یمیز.»
شونده‌ی بیرحالده، افغانستان ده بیرلشگن ملتلر تشکیلاتی خلق‌ارا آزیق-آوقت دستوری مسئوللری نینگ سلام‌وطندار گه ایتیشلریچه، حاضر ایسه افغانستان ده ۱۶ میلیون کیشی عاجل یاردم‌لر گه نیازی بار.
افغانستان ده بیرلشگن ملتلر تشکیلاتی خلق‌ارا آزیق-آوقت دستوری نینگ رابطه‌لر بولیمی باشلیغی فیلیپ کروف گه کوره، اوشبو دستور حاضر ایسه بودجه کم‌لیگی سبب، یالغیز ۷ میلیون نیازمند گه یاردم ارائه قیلیشی ممکن.
اونینگ کوپه‌یتیریشیچه، خلق‌ارا آزیق-آوقت دستوری سونگی کون‌لر اروپا بیرلشمه‌سی نینگ ۲۱ میلیون یورولیک یاردم‌لری کبی نقدی یاردم‌لر سوزی نی قولگه کیلتیرگن دیر؛ بیراق مذکور یاردم‌لر هرات ده زلزله یوز بیرگنی و پاکستان دن قاچقین‌لر نینگ قیتریلگنی سبب بو تشکیلات نینگ اوتگن ییل قیلگن صرف-خره‌جتی اوچون صرف‌لنیشی ممکن.
بو توغریده کروف نینگ ایتیشیچه: «اوتگن هفته‌لرده، ینگی منبع‌لر جمله‌دن اروپا بیرلشمه‌سی نینگ ۲۱ میلیون یورولیک یاردمی نی قولگه کیلتیردیک، بیراق شونینگدیک یریمی بوش بولگن بیر مخزن بیلن ایشله‌یمیز و اوتگن ییل اوز فعالیت‌لریمیز نینگ صرف-خره‌جتی اوچون آلگنیمیز ایچکی قرض‌لر نی قیته بیریشیمیز کیره‌ک.»
بو بیلن بیرگه، اسلام امیرلیگی سرپرست حکومتی نینگ اقتصاد وزیرلیگی، آزیق-آوقت ناتینچ‌لیگی بحرانی بیلن قرشی کوره‌ش اوچون افغانستان گه مملکت‌لر نینگ یاردم‌لری نی اونملی دیب و بو یاردم‌لر دوام قیلیشی نینگ ضرورت بولگنی خصوصیده تاکید قیله‌دی.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچیسی عبدالرحمان حبیب نینگ ایتیشیچه، مذکور یاردم‌لر سرپرست حکومت برنامه‌لری بیلن هماهنگ بولگنی صورت‌ده، یشاوچیلر وضعیتی یخشی‌لنیشی اوچون کوپراق فایده‌لی بولیشی ممکن.
اونینگ کوپه‌یتیریشیچه: «اوشبو یاردم‌لر پلان اساسیده و ایش زمینه‌سی یره‌تیلیشی برنامه‌لری وزارت‌لر و تیگیشلی اداره‌لر هماهنگ‌لیگی‌ده تطبیق بولگنی صورت‌ده، وطن‌داشلریمیز نینگ حیات وضعیتی یخشی‌لنیشی ممکن.»
افغانستان ده بیرلشگن ملتلر تشکیلاتی نینگ خلق‌ارا آزیق-آوقت دستوری، جاری میلادی ییلده نیازمندلر قیینچیلیگی حلی اوچون اوشبو تشکیلات نینگ ۷۶۰ میلیون دالر گه نیازی بولگنی نی اعلام قیلگن.
