خلقارا آزیق-آوقت دستوری «WFP» مسئوللری نینگ ایتیشلریچه، جاری میلادی ییلده افغانستان بویلب ۱۶۰ مینگ‌دن آرتیق کیشی سوو تاشقینلریدن زیان کوریب و مینگ‌لرچه یشش اوی و ایکینچیلیک ییرلر بوزیلیب و اورته‌دن کیتگن.
افغانستان ده خلقارا آزیق-آوقت دستوری سوزلاوچیسی ضیا‌الدین صافی نینگ سلام‌وطندار گه ایتیشیچه، مذکور دستور طبیعی حادثه‌لر گه قرشی کوره‌ش اوچون اساسی آست‌قورمه‌لر ایجاد بولیشی مقصد برچه مملکت‌لردن حمایت قیله‌دی.
جناب صافی نینگ کوپه‌یتیریشیچه: «افغانستان دنیا بویلب اقلیمی بحران‌لردن تاثیرلنگن آلتینچی مملکت دییلگن. سوو تاشقینی و قوروق‌چیلیک کوپه‌یگن و جاری ییلده مملکت نینگ برچه ولایت‌لری اقلیمی بحران‌دن تاثیرلنگن. جاری ییل نینگ باشلنگنی‌دن حاضرگچه ۱۶۰ مینگ‌دن آرتیق کیشی سوو تاشقینلریدن زیان کورگن و قریب ۲۰ مینگ یشش اوی و مینگ‌لرچه ایکینچیلیک ییر بوزیلگن. خلقارا آزیق-آوقت دستوری آست‌قورمه‌لر ایجاد بولیشی اوچون حمایت قیله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، حادثه‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، سوو تاشقینلریدن زیان کورگن کیشیلر گه بو اداره نینگ یاردم بیریشی دوامی قیلماقده، بیراق بو یاردملر نینگ دوام تاپیشی اوچون افغانستان ایچکی و تشقی یاردم بیرووچی تشکیلات‌لر نینگ همکارلیگی گه نیازلری بار.
اوشبو وزیرلیک سرپرستی نورالدین ترابی نینگ ایتیشیچه: «اوشبو زیان کورگنلر نینگ یکون‌لنیشی گه قدر یاردم‌لریمیز دوام قیله‌دی و کوچی‌میز ییتیشگونگچه یاردم بیریشیمیز ممکن. ملی و خلقارا تشکیلات‌لردن بو توغریده همکارلیک قیلیشلرینی ایسته‌یمیز.»
عین حالده، جاری میلادی ییلده بیر قطار ولایت‌لرده یوز بیرگن سوو تاشقین‌لردن زیان کورگنلردن قطاری نینگ ایتیشلریچه، حاضرگچه ولایت‌لریده یوز بیرگن سوو تاشقینلر نینگ سلبی تاثیرلری قالگن دیر.
اولر نینگ کوپه‌یتیریشلریچه، حاضرگچه اقتصادی قیینچیلیکلر بیلن بوزیلگن اویلرده حیات کیچیره‌دیلر.
هرات ولایتی چشت‌شریف تومنی یشاوچیسی سید‌خلیل نینگ ایتیشیچه: «کوپینچه کیشی نینگ اویی بوزیلگن و بعضی کیشیلر اویی نینگ ایشیک و کلکین‌لری هم یوق، بیراق اولر حاضرگچه اوشه جایلرده حیات کیچیره‌دیلر. اهالی نینگ اوی قوریش گه کوچی ییتیشمه‌یدی.»
بیزلرنینگ «ایکس» ترماغی ده هم تعقیب قیلینگ!
شونینگدیک سرپل ولایتی کوهستانات تومنی یشاوچیسی نورالهدا نینگ ایتیشیچه: «کوهستانات تومنی‌ده قریب ۶-۷ قیشلاق، حمل آیی‌ده‌گی قتیق یاغینگرچیلیک و سوو تاشقینلر نتیجه‌سیده زیان کورگن. قریب ۳-۴ یوز مینگ افغانی هم زیان کورگن‌میز که حاضرگچه بو ییرگه اساسی یاردملر کیلمه‌گن.»
ترانسپورت و هوا یوللری وزیرلیگی نینگ هواشناس‌لیک ریاستی بیر اعلامیه ترقه‌تیب، بوگون و ایرته (چهارشنبه و پنچ‌شنبه) کونلری سرپل، فاریاب، بادغیس، بدخشان، هرات و باشقه بیر قطار منطقه‌‌لرده هریرود، مرغاب و آمو دریایی حوزه‌لریده سوو سطحی کوپه‌یشی و سوو تاشقینلری یوز بیریشی خصوصیده آگاه‌لنتیرگن.
شونینگدیک مذکور اداره اوشبو منطقه‌لر یشاوچیلریدن سوو تاشقینلری عاقبتیده‌گی خوفلر گه توجه قیلیشلرینی ایسته‌گن.
