حزب‌الله لبنان، اسرائیل پایتختی تل‌آویوده «تل‌حاییم» حربی پایگاه‌سینی بیرینچی مراتبه نشانگه آلگن. تسنیم آژانسی گه کوره، حزب‌الله لبنان خیبر عملیاتی دوامیده، تل‌آویوده اسرائیل‌نینگ «تل‌حاییم» حربی پایگاه‌سینی نشانگه آلگنینی اېتگن. اسرائیل اردوسی‌نینگ تل‌حاییم حربی پایگاه‌سی، لبنان چېگره‌سی ۱۲۰ کیلومترلیگیده جایلشگن.
حزب‌الله لبنان، بیرینچی مراتبه اسرائیل‌نینگ هوا کوچلری کتّه بیر پایگاه‌سی گه هجوم اویوشتیرگن. خلق‌ارا یېتکرمه‌لرنینگ معلوماتی اساسیده، یقین شرق‌ده کېسکینلیکلر اوج آلگچ، حزب‌الله لبنان ۲۲-عقرب، سه‌شنبه کونی اسرائیل اردوسی‌نینگ راکته هجوملری گه جواب بو مملکت‌نینگ هوا کوچلری کتّه بیر پایگاه‌سی گه هجوم اویوشتیرگن.
حزب‌الله لبنان، اونلب راکته اسرائیل‌نینگ شمالی حدودلری تامان آتگن. اسرائیل یېتکرمه‌لری، ۱۸-عقرب، جمعه کونی حزب‌الله لبنان اونلب راکته آرقه‌لی اوشبو مملکت شمالی حدودلرینی نشانگه آلگنیدن خبر بیرگنلر. معلوماتلر گه بناً، حزب‌الله بیر کون ایچیده چمه‌سی ۳۰ راکته اسرائیل تامان آتگن. حزب‌الله تامانیدن اسرائیل گه آتیلگن راکته‌لر آره‌سیده اوشبو مملکت‌نینگ شمالی حدودلری «حیفا» فضاسیده اوچووچی‌سیز اوچاق کوریلگن.
حزب‌الله لبنان، اسرائیل نینگ حربی بیر مرکزینی راکته بیلن نشانگه آلگنیدن خبر بیرگن. رویترز آژانسی، حزب‌الله لبنان ۱۲-عقرب، شنبه کونی اسرائیل پایتختی تل‌آویو حدودلریده بو مملکت نینگ حربی بیر مرکزینی نشانگه آلگنینی معلوم قیلگن. معلوماتلر اساسیده، حزب‌الله لبنان نینگ اسرائیل گه راکته هجومی عاقبتیده ۱۱ کیشی یره‌لنگن. حزب‌الله، نیچه راکته و اوچووچی‌سیز اوچاق بیلن اسرائیل شمالیده حربی مرکزلرنی نشانگه آلگنینی اېتگن.
الجزیره یېتکرمه‌سی، حزب‌الله لبنان ۲-عقرب، چهارشنبه کونی اوشبو راکته‌لر بیلن اسرائیل پایتختی و بو مملکت نینگ شمالی حدودلرینی نشانگه آلگنینی اېتگن. معلوماتلر اساسیده، اۉتگن کون شام پیتی تورت راکته لبنان دن اسرائیل تامانیدن آتیلگن. اسرائیل اردوسی اوشبو هجوملرنی تصدیقلسه ده، بیراق بو راکته‌لر نینگ کوپینچه‌سی یوق اېتیلیب و باشقه بیرقطاری بوش اهالیسی بولمه‌گن حدودلرده توشگنینی معلوم قیلگن.
حماس نینگ سیاسی لیدری یحیا سنوار اولدیریلیشی بیلن، اۉرته شرق ده کېسکین‌لیک اوج آلگچ اسرائیل باش وزیری نینگ اداره‌سی، حزب‌الله لبنان اوشبو مملکت باش وزیری بنیامین نتانیاهو نینگ یشش اوی‌لریدن بیرینی اوچووچی‌سیز اوچاق آرقه‌لی نشانگه آلگنیدن خبر بیرگن.
اسرائیل اردوسی، بوگون (۲۵-میزان، چهارشنبه) بامداد پیتی حزب‌الله لبنان اسرائیل گه ۵۰ موشک آتگنیدن خبر بیرگن. خلق‌ارا یېتکرمه‌لر نینگ معلوماتی اساسیده، حزب‌الله لبنان بو راکته‌لر نینگ کوپینچه‌سینی اسرائیل نینگ «صفد شهری» تامان آتگن. اوشبو هجوملر نینگ احتمالی تلفاتی و زیانلری همده یوق اېتیلیشی حقیده حاضرگه قدر ایضاح کېریتیلمه‌گن. اسرائیل و حزب‌الله لبنان اۉرته‌سیده‌گی سۉنگی توقنشوولر، منطقه ده برچه تامانلمه اوروش باشلنیش گه دایر خواطرلرنی آشیرگن.
اۉرته شرق اینیقسه اسرائیل و ایران آره‌سیده کېسکین‌لیک اوج آلگچ، آسترالیا تشقی ایشلر وزیرلیگی اوشبو مملکت یشاوچیلریدن اسرائیل نی ترک اېتیش‌لرینی اېسته‌گن. آسترالیا تشقی ایشلر وزیری پتی وانگ ۲۳-میزان، دوشنبه کونی ایکس صحیفه‌سیده بیر بیانیه ترقه‌تیب، بو مملکت یشاوچیلریدن اسرائیل نی تیزلیک بیلن ترک اېتیش‌لرینی سوره‌گن.
حزب‌الله لبنان رهبری سیدحسن نصرالله اولدیریلیشیدن سۉنگ، هاشم صفی‌الدین اوشبو حزب نینگ ینگی رهبری اوله‌راق اېتیب تعیینلنگن. العربیه اۉز منبعلریدن نقل قیلیب یازیشیچه، هاشم صفی‌الدین ۸-میزان، یک‌شنبه کونی حزب‌الله لبنان رهبریت کینگشی، هاشم صفی‌الدین نی اوشبو آقیم نینگ ینگی رهبری اوله‌راق اېتیب تعیینله‌گن.
حزب‌الله لبنان رهبری سیدحسن نصرالله نینگ اولدیریلیشی منطقه و دنیا ده کېنگ کولملی مناسبت‌لر بیلن روپه‌ره بولیب و اۉرته شرق ده اوروش کېنگه‌یشی گه دایر خواطرلرنی آشیرگن.
بوندن آلدینراق اسرائیل اردوسی، حزب‌الله لبنان رهبری سیدحسن نصرالله، اولر نینگ هوا هجوملری عاقبتیده هلاک بولگنینی اېتگن اېدی. رویترز آژانسی گه کوره، حزب‌الله لبنان رهبری اسرائیل اردوسی نینگ ۶-میزان، جمعه کونی لبنان پایتختی بیروت جنوبی ده اویوشتیرگن هوا هجوملری عاقبتیده، اوشبو حزب نینگ مرکزی اداره‌سیده اولدیریلگن.
رویترز آژانسی گه کوره، حزب‌الله لبنان رهبری اسرائیل اردوسی نینگ ۶-میزان، جمعه کونی لبنان پایتختی بیروت جنوبی ده اویوشتیرگن هوا هجوملری عاقبتیده اوشبو حزب نینگ مرکزیده اولدیریلگن. اسرائیل اردوسی، جمعه کونده‌گی هوا هجوملریده حزب‌الله لبنان رهبری گه قۉشیمچه جنوبی بولیم قوماندانی علی کرکی و مذکور حزب نینگ باشقه بیر قطار قوماندان‌لری اولدیریلگنینی اېتگن.
سۉنگی کونلرده اۉرته شرق ده کېسکینلیکلر اوج آلماقده اېکن اسرائیل و حزب‌الله لبنان سۉنگی کونلرده بیر-بیری نینگ مرکزلرینی هوا و راکته بیلن نشانگه آلماقده‌لر.
بی‌بی‌سی لبنان ساغلیق‌نی سقلش وزیرلیگیدن نقل قیلیب یازیشیچه، ۳۰-سنبله، جمعه کونی اسرائیل اردوسی نینگ بیروت شهریده اویوشتیرگن هوا هجومی عاقبتیده قربان‌لر سانی ۱۴ کیشی یېتگن و باشقه اونلب کیشی یره‌لنگن، توپراق همده دیوارلر آستیده قالگنلرنی قوتقریش گه سعی-حرکت قیلماقده‌لر.
حزب‌الله لبنان اعضالری نینگ پیجرلری پارتلشی عاقبتیده قربان بولگنلر رقمی ۲۰ کیشی یېتگن. خلق‌ارا یېتکرمه‌لر لبنان ساغلیق‌نی سقلش وزیرلیگیدن نقل قیلیب ایتیشلریچه، ۲۸-سنبله، چهارشنبه کونی اوشبو مملکت ده حزب‌الله اعضالری نینگ پیجرلری پارتلشی عاقبتیده قربان‌لر ۲۰ کیشی و یره‌لنگنلر رقمی ۴۵۰ کیشی گه یېتگن.
حزب‌الله لبنان بیر بیانیه ترقه‌تیب، اسرائیل گه کېنگ کولمده هجوم قیلگنینی معلوم قیلگن. رویترز آژانسی گه کوره، حزب‌الله لبنان بوگون ایرته‌لب (۴-سنبله، یک‌شنبه) اسرائیل نینگ لبنان گه هوا هجوملری گه جواب، بو مملکت گه قرشی کېنگ کولمده هجوم اویوشتیرگنیدن خبر بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
