اسلام امیرلیگی باش وزیری محمدحسن آخوند، ایران جمهور باشلیغی سیدابراهیم رئیسی و همراه هیئتی نینگ وفاتی مناسبتی بیلن، اوشبو مملکت خلقی گه همدردلیک بیلدیرگن.
ارگ بوگون (۳۱-ثور، دوشنبه کونی) ایکس اجتماعی ترماغی ده اسلام امیرلیگی و افغانستان خلقی بو واقعه دن قیغولنگنینی یازگن.
بیزلرنینگ فیسبوک صحیفه‌میزگه باش اورینگ!
بیانیه ده کېلیشیچه: «بیز ایران اسلامی جمهوریتی و اوشبو مملکت خلقی گه قیغوداشلیک بیلدیریب و حادثه قربان‌لر نینگ عایله اعضالری و ایران خلقی همده دولتی گه تسلیت دیمیز.»
اسلام امیرلیگی باش وزیری، حاضرگی قلتیس شرایط ده ایران خلقی یانیده بولیش‌لرینی بیلدیرگن.
باشقه تاماندن اسلام امیرلیگی تشقی ایشلر وزیرلیگی سرپرستی امیرخان متقی، افغانستان اوچون ایران ایلچیسی و مخصوص وکیلی حسن کاظمی قمی بیلن اوچره‌شووده، ایران خلقی بیلن همدردلیک بیلدیریب منطقه اینیقسه افغانستان ده ثبات برقرار اېتیلیشی اوچون بو مملکت رولینی مهم دیه بهاله‌گن.
بیزلرنینگ «ایکس» ترماغی ده هم تعقیب قیلینگ!
رئیسی یکشنبه کونی ایران بیرقطار عملدارلری بیلن شرقی آذربایجان گه بارگن اېدی و آذربایجان جمهور باشیلغی الهام علی‌اوف بیلن بیرگه، ارس چېگره دینگیزی ده بو ایکّی مملکت یاردمی بیلن قوریلگن «قیز قلعه توغانینی» افتتاح قیلگنلر. بو واقعه رئیسی بولگن تیک‌اوچر ایران تبریز تامان یوللنگن بیرحالده یوز بیرگن.
