خوست ولایتی نادر‌شاه‌کوت تومنی یشاوچیلری ساغلیق خذمت‌لر گه قول تاپه آلمه‌یشلری خصوصیده شکایت قیلیب و ایتیش‌لریچه، اوشبو تومن نینگ ۳۰ یاتاق‌لی کسل‌خانه بناسی، ۹ ییل آلدین توزه‌لگن دیر، بیراق مذکور کسل‌خانه حاضرگچه فعال بولمه‌گن.
اولرنینگ کوپه‌یتیریش‌لریچه، مذکور کسل‌خانه نادر‌شاه‌کوت، سپیره، دوهمنده و تنی تومن‌لری اوچون توزلگن دیر؛ بیراق سابق حکومت هم اوشبو کسل‌خانه گه پرسنل و امکانیت فراهم قیلمه‌گن و حاضرگی حکومت هم مذکور کسل‌خانه گه توجه قیلمه‌گن دیر.
بیزلرنینگ فیسبوک صحیفه‌میزگه باش اورینگ!
اولر گه کوره، حاضر ایسه نادر‌شاه‌کوت تومنیده ییترلی دارو و مسلکی داکتری بولمه‌گن یالغیز کیچیک بیر کیلینیک موجود دیر.
نادر‌شاه‌کوت تومنی یشاوچیلریدن حاضر‌محمد نینگ سلام‌وطندار گه ایتیشیچه: «حاضرگچه داکترلر و پرسنل‌لر آژ دیر و اهالی گه درست خذمت‌لر نی ارائه قیله آلمه‌یدیلر؛ چونکه بیر داکتر بار، لیکن کسل‌خانه گه کونده ۲۰۰ الی ۲۵۰ کسل مراجعت قیله‌دی. مذکور کیچیک کسل‌خانه‌ده ارائه بوله‌دیگن اوشبو خذمت‌لر اصلا قبول بولینه‌دیگن بیر نرسه ایمس. طبی اوسکونه‌لر موجود دیر، بیراق مسلکی کیشی‌لر بو ییرده یوق.»
شونینگدیک نادر‌شاه‌کوت تومنی یشاوچیلریدن باشقه بیری شهاب‌گل نینگ ایتیشیچه: «اهالی سپیره، دوهمنده، تنی و نادر شاه‌کوت تومن‌لریدن بو کیلینیککه مراجعت قیله‌دیلر و اوشبو خذمت‌لر، تورت تومن اوچون ییترلی ایمس. سرپرست حکومت‌دن اوزاق منطقه یشاوچیلری اوچون تیزلیککه اوشبو کسل‌خانه نی مجهز شکلده فعال قیلیشی نی ایسته‌یمیز.»
خوست نینگ نادر‌شاه‌کوت تومنی یشاوچیلری نینگ کوپه‌یتیریش‌لریچه، هوا نینگ ساووق بولیشی بیلن، تنفسی کسل‌لیک‌لری اوشبو تومن‌ده کوپه‌یگن و اهالی‌نی کوپینچه قیین‌چیلیک بیلن روپه‌ره قیلگن دیر.
بیزلرنینگ توییترده هم تعقیب قیلینگ!
شونده‌ی بیرحالده، خوست محلی مسئوللری نینگ ایتیش‌لریچه، نادر‌شاه‌کوت تومنی نینگ ۳۰یاتاق‌لیک کسل‌خانه‌سی نینگ فعال بولیش پروسه‌سی نهایی لوگن و یقین کیله‌جک‌ده، اهالی گه خذمت‌لر نی ییتکزیش نی باشله‌ش اوچون یاردم بیرووچی موسسه‌لردن بیری گه تاپشیریلیشی ممکن.
خوست ساغلیق نی سقلش ریاست رئیسی فضل‌کریم مندوزی نینگ ایتیشیچه: «تومن بوییچه ایجاد بولگن اوشبو کسل‌خانه، ۳۰ یاتاق‌لیک بیر کسل‌خانه صفتیده توزه‌لگن. بیزلر گه بیر مکتوب کیلگن و برچه ایش‌لری یکونلنگن و پرسنل مسئولیتی نی بوینیگه آلگن موسسه‌لر گه تاپشیریلیشی قالگن دیر. کیله‌جک‌ده، اوشبو کسل‌خانه فعال بوله‌دی. بیزلر گه مکتوب ییتیشگن و ایش‌لری یکونلنگن دیر.»
ایتیش کیره‌ک که، نارد‌شاه‌کوت تومنی نینگ ۳۰ یاتاق‌لی کسل‌خانه‌سی اوچون توزه‌لگن بنا، یالغیز بیر کیلیک کبی پرسنلی بار که، اونینگ ارائه بوله‌دی خذمت‌لری اهالی اوچون ییرلی ایمس.
