ننگرهار ملی امنیت ریاست مسئوللری نینگ ایتیش‌لریچه، مذکور ۵۰ کیشی بو ولایت نینگ «هسکه مینه» و «کوزکُنر» تومن‌لری نینگ یشاوچی‌لری ایکن که ننگرهار ده تورلی بولیم‌لریده داعش نینگ صفیده فعالیت قیلماقده ایکن و حاضر قوم بویوک‌لری نینگ اَره‌لشووی بیلن اسلامی امارت گه تسلیم بولگن.
ننگرهار ملی امنیت ریاست مسئوللری نینگ کوپه‌یتیریش‌لریچه، اوشبو تسلیم بولگن داعش نینگ جنگریلری، کیله‌جکده بو حکومت گه قرشی هیچ قنده‌ی حربی عملیات یولگه قویمس‌لری توغریسیده وعده بیرگن.
ننگرهار ملی امنیت ریاست باشلیغی دکتر بشر نینگ سلام‌وطندار گه ایتیشیچه، مذکور کیشیلر نیچه شرط باعث بغیشلنگن؛ جمله‌دن سابق ایش‌لری اوچون عذر سوره‌ش، هیچ قنده‌ی حربی وسیله و واسطه دن قوللنمه‌سلیک و ارتباطی وسیله‌لردن فایده‌لنمه‌سلیک دیر.
بیزلرنینگ فیسبوک صحیفه‌میزگه باش اورینگ!
ننگرهار ملی امنیت ریاست باشلیغی نینگ کوپه‌یتیریشیچه، مذکور کیشیلر بوندن کیین بیر ییرگه ییغیلمه‌یش‌لری کیره‌ک و ییغیلگن صورتده اسلامی امارت گه خبر بیرسینلر و اوز قیشلاق‌لریدن باشقه بیر قیشلاققه کیتماقچی بولگنده هم، محلی مسئوللرنینگ جریان گه قوییش‌لری کیره‌ک.
اونگه کوره، داعش نینگ تسلیم بولگن جنگریلری، بو شرط‌لردن نافرمانلیک قیلگن صورتده، اولر بیلن جدی قانونی یول باریله‌دی. عین حالده، داعش نینگ تسلیم بولگن جنگریلری نینگ ایتیش‌لریچه، سابق قیلگن ایش‌لریدن پشیمانلر و بوندن کیین حکومت گه قرشی هیچ بیر ایش قیلمه‌یدیلر.
داعش گروهی اوشبو کیشیلرنینگ تسلیم بولگنی توغریسیده حاضرگچه هیچ بیر نیرسه دیمه‌گن.
