رویترز آژانسی گه کوره، امریکا نینگ نیویارک ایالتی ده بیر محکمه، افغانستان مرکزی بانکی نینگ ۳.۵ میلیارد دالری، ۱۱ سپتمبر هجومی قربانی‌لری گه تاوان اوله‌راق توللـه‌نیش طلبینی رد ایتگن.
امریکا قوشمه ایالت‌لری نینگ منهتن منطقه‌سیده جورج دنیلز اسملی قاضی گه کوره، اوشبو مملکت اساسی قانونی اساسیده، افغانستان سابق اسلامی جمهوریتی یا ده افغانستان خلقی، ۱۱ سپتمبر هجوم‌لریده اسلام امیرلیگی اورنیده مسئول تانیلمسلیگی کیره‌ک.
دنیلز نینگ کوپه‌یتیریشیچه، افغانستان سرمایه‌لری قربانی‌لر نینگ عایله اعضالری گه تاوان اوله‌راق توللـه‌نیشی، اسلام امیرلیگینی افغانستان نینگ قانونی دولتی صفتیده تانیش معناسی گه دیر.
بیزلرنینگ توییترده هم تعقیب قیلینگ!
اونگه کوره، امریکا قوشمه ایالت‌لری نینگ محکمه‌لری افغانستان سرمایه‌سینی ۱۱ سپتمبر قربانی‌لری نینگ قرینداش‌لری گه بیریش قرارینی آله آلمه‌یدیلر. اونگه کوره، بایدن دولتی اسلام امیرلیگینی افغانستان دولتی صفتیده رسمیت گه تانیمه‌یدی.
۱۴۰۰_ییل ۲۴ اسد ده، اسلام امیرلیگی حاکمیت گه ایریشگنیدن کیین افغانستان مرکزی بانکی نینگ ۷ میلیارد دالری، نیویارک ده‌گی بانک ده موزله‌تیلدی. کیین ایسه ۲۰۰۱_ییل ۱۱ سپتمبر هجومی قربانی‌لری نینگ عایله اعضالری، اوشبو پول‌لر تاوان اوله‌راق اولر گه بیریلیشینی طلب قیلدیلر.
امریکا جمهور باشلیغی جوبایدن، بیر فرمان صادر قیلیب افغانستان نینگ موزله‌تیلگن سرمایه‌لرینی ایکی قسم گه بولدی، یریمینی افغانستان خلقی گه انسان پرورلیک یاردم صفتیده و باشقه یریمینی، ۱۱ سپتمبر هجومی قربانی‌لری نینگ عایله اعضالری گه تاوان اوله‌راق توللش گه اختصاص بیردی.
جورج دنیلز اوز حکمی ده ایتیشیچه، قربانی‌لر نینگ عایله اعضالری تاوان طلب قیلیش گه حقلری بار، «بیراق اولر افغانستان مرکزی بانکی نینگ بودجه‌سینی آلیش گه حقلری یوق دیر.»
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی ده افغانستان نینگ دایمی نماینده‌لیک سرپرستی نصیراحمد فایق، اوشبو حکم نی خوش قرشی له‌گن.
او محکمه نینگ حکمی گه دایر تویتری ده یازیشیچه: «حقوقی تیمی‌میز، بیر ییل ایچیده کیتمه_کیت سعی‌وحرکتی دوامیده، افغانستان نینگ توسیلگن سرمایه‌لریدن ۳.۵ میلیارد دالری نی اسره‌ش گه غالب بولگنیدن خورسند بولدیم.»
