معلومات و مدنیت وزیرلیگی سۉزلاوچیسی خبیب غفران بوگون (شنبه، ۴-حمل) سلام‌وطندار گه ایتیشیچه، اوشبو وزیرلیک نینگ مدنیت و صنعت معینی عتیق‌الله عزیزی کابل ده چین امسیسی شرکت ینگی باشلیغی سونگ ون بینگ بیلن اۉچره‌شگن.
اونگه کوره، عزیزی جنابلری امسیسی شرکتی گه برچه تاریخی اثرلر قوریقلنیشی بیلن لوگر مس عینک کانینی قازیب چیقریش اوچون برچه تامانلمه همکارلیک قیلیش وعده‌سینی بیرگن.
بیزلرنینگ فیسبوک صحیفه‌میزگه باش اورینگ!
امسیسی شرکتی هم برچه تاریخی اثرلرنی قوریقلب و لوگر مس عینک کانینی قازیب چیقریش وعده‌سینی بیرگن دیدی، خبیب غفران.
اونینگ ایتیشیچه: «حاضرگچه مس عینک کانیدن ۱۰۰۰ دن آرتیق تاریخی اثر انتقال بیریلگن و بعضی تاریخی اثرلر ساحه‌ده بار و انتقال بیریب بولمه‌یدی و امسیسی شرکتی تاریخی اثرلرنی قوریقلش بیلن قازیب چیقریش ایشینی باشلش وعده‌سینی بیرگن.»
عین‌حالده، کان‌لر و پترولیم وزیرلیگی مسئوللری، لوگر مس عینک کانینی قازیب چیقریش اونگیده‌گی معمالر حل اېتیلگنینی اېته‌دیلر.
امسیسی شرکتی نینگ معلوماتی اساسیده، مس عینک کانینی قازیب چیقریش ریجه چین حکومتی تامانیدن تصدیقلنگن.
بیزلرنینگ «ایکس» ترماغی ده هم تعقیب قیلینگ!
عین‌حالده، کان‌لر و پترولیم وزیرلیگی مسئوللری گه کوره، بو وزیرلیک نینگ تخنیکی تیم‌لری مس عینک کانینی قازیب چیقریش ریجه ایشینی باشله‌گنلر.
کان‌لر و پترولیم وزیرلیگی سۉزلاوچیسی همایون افغان نینگ ایتیشیچه: «امسیسی شرکتی بدیل طرح نی اۉزه‌تگن و تخنیکی تیم‌لر اوشبو طرح نی برچه تامانلمه تېکشیرماقده‌لر.»
ایتیش کېره‌ک، لوگر مس عینک کانینی قازیب چیقریش بیتیمی، قویاش ۱۳۸۷ ییلده امسیسی شرکتی بیلن ۳۰ ییل‌گه قدر امضالنگن.
