بوگون (دوشنبه، ۲۲ حوت) مملکت نینگ ۳۲ ولایتیده باله‌لر فلجی (پولیو) کسل‌لیگیگه قرشی ایملش کمپاینی باشلندی.
اوشبو کمپاین تورت کونگچه دوام تاپیب و بیش یاشنی تولدیرمه‌گن ۹ میلیون ۲۰۰ باله ایمله‌نیشی ممکن.
کابل ده عایله‌لردن قطاری، باله‌لرینی واکسین قیلیش گه قوشیمچه اولکه یشاوچیلریدن، باله‌لری فلج بولمسلیگی اوچون واکسین قیلیش‌لرینی سوره‌یدیلر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن نازنین نینگ ایتیشیچه: «سکیز آی‌لیک چقه‌لاغیم بار، هر آی پولیو گه قرشی واکسین قیله‌من. عایله‌لردن باله‌لری فلج بولمسلیگی اوچون بیش یاشنی تولدیرمه‌گن باله‌لرینی پولیو گه قرشی ایملش‌لرینی سوره‌ی‌من. ایکی قطره پولیو واکسینی هر بیر چقه‌لاق اوچون ضرور دیر.»
کابل یشاوچیلریدن باشقه بیر مرسل گه کوره: «بیر یاشر چقه‌لاغیم بار. بوگون پولیو واکسینی ایشیگیمیز آغزی گه کیلدی و چقه‌لاغیم نی پولیو گه چلینمسلیگی اوچون واکسین قیلدیم. بو هر بیر آته‌وآنه نینگ وظیفه‌سی دیر.»
عین‌حالده، ساغلیق‌نی سقلش وزیرلیگی پولیو بولیمی باشلیغی نیک‌ولی شاه مومن نینگ سلام‌وطندار گه ایتیشیچه، باله‌لر فلجی کسل‌لیگیگه قرشی کوره‌ش تورت کون‌لیک کمپاین هلمند، غزنی و مرکزی ساووق ولایت‌لرده بیر هفته دن کیین باشلنه‌دی.
او نینگ کوپه‌یتیریشیچه: «اوشبو کمپاین اولکه بویلب اوتکزیله‌دی و بو کمپاین ده بیش یاشنی تولدیرمه‌گن و آلتی آی‌لیکنی تولدیرگن ۹.۲ میلیون باله ایمله‌نیشی کوتیله‌دی. غزنی و هلمند ولایت‌لریده بیر هفته دن کیین پولیو گه قرشی ایملش کمپاینی باشلنه‌دی. بامیان، دایکندی و غور ساووق و واکسین تطبیق قیلیش امکانی یوق، کیین بوتوغریده قرار آله‌میز.»
بیزلرنینگ توییترده هم تعقیب قیلینگ!
قطار میدیالر نینگ معلوماتی اساسیده، پاکستان دن کیله‌دیگنلر پولیونی افغانستان گه انتقال بیریشه‌دی. جناب مومن نینگ کوپه‌یتیریشیچه، اوشبو ییل ده شرق زونیده قید ایتیلگن نمونه‌لر نینگ ژنتیکی توزیلمه‌سی، پاکستان ده‌گی باله‌لر فلجی کسل‌لیگیگه گه اوخشه‌یدی.
ایتیش کیره‌ک که، دنیا بویلب افغانستان و پاکستان؛ باله‌لر فلجی کسللیگی بوتونلی یوق بولمه‌گن مملکت‌لردن دیر.