کمیده بیر یریم ییل‌دن کیین سعودی عربستان ایلچی‌سی نینگ کابل گه قیتیشی و بریتانیا تشقی یاردم‌لری بوییچه نظارتچیسی نینگ افغانستان ده اوشبو مملکت ایلچی‌خانه‌سی آچیلیشی ایسته‌گیدن کیین، اسلام امیرلیگی سوزلاوچیسی اورین‌باسری حمدالله فطرت نینگ ایتیشیچه، افغانستان ده مملکتلر نینگ دیپلماتیک حضوری برچه نینگ فایده‌سی گه دیر. او برچه مملکت‌لردن کابل ده ایلچیخانهلری نینگ آچیلیشی نی سوره‌گن.
حمدالله فطرت نینگ کوپه‌یتیریشیچه: «افغانستان نینگ دیپلماتیک حضوری برچه مملکتلر فایده‌سی گه بولیب و اونینگ کوچه‌یشی و علاقه قوریش اوچون اونملی دیر و علاقه کینگه‌یشی اوچون نماینده‌لیکلر و ایلچیخانهلر نینگ آچیلیشی ایجابی بیر آدیم دیر و اسلام امیرلیگی برچه مملکتلر بیلن یخشی علاقه قوریش نی ایسته‌یدی. حاضرگچه دیپلماتیک حضوری بولمهگن مملکت‌لردن، قیته ایلچیخانهلری نینگ آچیلیشلری نی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سیاسی مسئله‌لر بوییچه ایش بیلرمان‌لردن قطاری نینگ ایتیشلریچه، اسلام امیرلیگی بیلن تعامل قیلووچی مملکتلر کوپه‌یگنی، رسمیت گه تانیلیش زمینه‌سی نینگ یره‌تیشی ممکن.
خلق‌ارا رابطه‌لر بیلرمانی عنایت‌الله همام نینگ ایتیشیچه، مملکتلر اسلام امیرلیگی بیلن نرمال دیپلماتیک علاقه‌لرنی یولگه قویماقچین. «مملکتلر اسلام امیرلیگی بیلن نرمال دیپلماتیک علاقه‌لرنی یولگه قوییش گه قناعت قیلگنلر و ایجابی اثرلری بولیشی ممکن. شونینگدیک اسلام امیرلیگی بیلن بو علاقه‌لرمملکتلر نینگ کیت‌مه-کیت اسلام امیرلیگی نی رسمیت گه تاینیشی خصوصیده اعتبار بیره‌دی.»
خلق‌ارا رابطه‌لر بیلرمانلریدن باشقه بیری نورالرحمان ثاقب نینگ ایتیشیچه، افغانستان ده تشقی مملکتلر ایلچیخانهلری نینگ آچیلیشی، اسلام امیرلیگی رسمیت گه تانیلیشی خصوصیده زمینه یره‌تیشی ممکن. اونینگ کوپه‌یتیریشیچه: «افغانستان ده تشقی ایلچیخانهلر نینگ آچیلیشی، اسلام امیرلیگی نینگ رسمیت گه تانیلیشی خصوصیده زمینه یره‌ته‌دی.»
بیزلرنینگ فیسبوک صحیفه‌میزگه باش اورینگ!
حاضر ایسه ایران، تورکمنستان، روسیه و چین ایلچیخانهلری شامل ۱۶دن آرتیق ایلچی‌خانه کابل ده فعال بولیب و شونینگدیک اسلام امیرلیگی نینگ مملکت‌لرده ۳۸ ته فعال ایلچی‌خانه و کنسوللیک نماینده‌لیگی بار.
بوندن آلدین اسلام امیرلیگی سوزلاوچیسی ذبیح‌الله مجاهد، امریکا، آلمان و سعودی عربستان نماینده‌لری افغانستان ده مذکور مملکتلر ایلچیخانهلری آچیلیشی نینگ ایسته‌گنلرینی بیان قیلگن ایدی.
