باجخانه‌لرده ۳۳ اسکنر نینگ قوندیریلیش شرطنامه‌سی ایش اداره‌سی، مالیه وزیرلیگی و ایچکی بیر شرکت اۉرته‌سیده کابل ده امضالندی.
ایش اداره‌سی مسئوللری، اوشبو مناسبت بیلن یولگه قوییلگن احتفال ده، ۱۱۳ میلیون دالرلیک اوشبو اسکنرلر مملکت نینگ ۱۲ باجخانه‌سیده قوندیریلیشینی معلوم قیلگنلر.
ایش اداره‌سیده سرمایه یاتقیزیش اوچون قولی‌لیک یره‌تیش بولیم باشلیغی احمد ضیاء خالد گه کوره، بو اسکنرلر بنگی‌وار ماده‌لر، تقیق‌لنگن توارلر قاچاقی آلدی آلینیشی و باجخانه‌لر درآمدی آشیشی اوچون تینیق‌لیک تأمین اېتیلیشی مقصدیده قوندیریله‌دی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «واردات و صادرات محصولات نی اسکن قیلیش و خوفسیزلیک تأمین اېتیلیشی همده بنگی‌وار ماده‌لر و قورال-یراغ قاچاقی آلدینی آلینیشی اوچون، اسلام امیرلیگی هوا قونالغه‌لری شامل تورخم، حیرتان، سپین‌بولدیک، اسلام‌قلعه، تورغندی، نیمروز، خوست، پکتیا، آقینه، ابونصر، فراه وشیرخان بندرلریده ۳۳ اسکنر نصب اېتیش گه قرار قیلگن.»
مالیه وزیرلیگی مسئوللری نینگ ایتیشلریچه، حاضرگی کونده زمانه‌وی اسکنرلر یوق‌لیگی طفیلی قیمت‌بها نرسه‌لر سېزیلرلی درجه ده افغانستاندن تشقی مملکت‌لر گه قاچاق و اورنیده صفت‌سیز آزیق-آوقت وارد اېتیله‌دی.
مالیه وزیرلیگی نینگ پالیسی معینی سلطان محمد زبیر، زمانه‌وی اسکنرلر قوندیریلیشی بیلن بو معما حل اېتیلیشی گه ایشانه‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره: «بوگون زمانه‌وی اسکنرلر یوق‌لیگی اوچون کتّه معمالر بیلن روپه‌ره‌میز، قیمت‌بها نرسه‌لر افغانستاندن تشقری مملکت‌لر گه قاچاق بوله‌دی و اورنیده صفت‌سیز آزیق-آوقت مواد باجخانه‌لر آرقه‌لی وارد اېتیله‌دی.»
شرطنامه امضاله‌گن شرکت مسئوللری، اسکنرلر نینگ قوندیریلیش ایشی ایکّی ییلگچه دوام تاپیشینی معلوم قیله‌دیلر.
شرطنامه امضاله‌گن شرکت باشلیغی نجم‌الدین سیاس گه کوره، بو لایحه عملگه آشیریلیشی بیلن مملکت بویلب ایکّی مینگ کیشی ایش بیلن تأمینلنه‌دی.
اونینگ ایتیشیچه: «بو لایحه عملگه آشیریلیشی بیلن ایکّی مینگ کیشی ایش بیلن تأمینلنیش گه قۉشیمچه، باجخانه درآمدی شفاف طرزده ییغیله‌دی و مملکت باجخانه‌لری خلق‌ارا معیارلر بیلن تېنگ بوله‌دی.»
بو لایحه شرطنامه‌سی ۱۳ ییلگچه خصوصی سکتور بیلن امضالنگن و اسلام امیرلیگی اوشبو مدت ایچیده اوشبو لایحه نینگ تطبیق اېتیشیدن ۳۸ میلیارد افغانی درآمد قیله‌دی.
