ایران اسلامی جمهوریتی نینگ ملی کینگش خوفسیزلیک کمیسیون اعضاسی یعقوب رضازاده، ینگی‌لیکده افغانستان و پاکستان حکومت‌لری نینگ چیگره حدودلریده کنتروللری بولمه‌گنی و او ییرده قاچاقچیلر بیلن ترورچیلرلر نینگ فعالیتی بولگنی نی ادعا قیلگن.
رضازاده، ایران‌لیک شفقنا ییتکرمه‌سی بیلن اوچره‌شگنی‌ده افغانستان آرقه‌لی ایران گه ترورچیلر نینگ کیریشی و مذکور مملکت گه افغانستان و پاکستان چیگره‌لریدن قوراللر نینگ قاچاق بولیشی حقیده آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
بیراق اسلام امیرلیگی نینگ ایشانچی گه کوره، افغانستان چیگره‌لریده ترورچیلر نینگ فعالیتی گه رخصت بیریلمه‌یدی. اسلام امیرلیگی سوزلاوچیسی اورین‌باسری حمد‌الله فطرت، چیگره‌لرده قاچاق نی برچه مملکتلر اوچون بیر قیین‌چیلیک دیب و بو توغریده ایران دن چیگره‌لر امنیتی تامین‌لنیشی اوچون اقداملر آلینیشی نی ایسته‌گن.
اونینگ کوپه‌یتیریشیچه: «افغانستان نینگ مدافعه و خوفسیزلیک کوچلری ایران بیلن چیگره امنیتی گه توجه‌سی بار و بو توغریده هیچ بیر مشکل یوق. مملکتلر آره‌سیده چیگره‌لرده قاچاق بولیمی دنیا ده عمومی بیر قیین‌چیلیک دیر. بو توغریده اسلام امیرلیگی جدی و کیره‌کلی اقداملر نی انجام بیرگن و ایران حکومتی‌دن هم بو توغریده اینیقسه اوز توپراغی‌‌ده قاچاقچیلر اوتیشی بولیمی‌ده اقدام قیلیشی نی ایسته‌یمیز.»
شونده‌ی بیرحالده، پاکستان تشقی ایشلر وزیرلیگی سوزلاوچیسی ممتاز زهرا بلوچ، ینگی‌لیکده افغانستان چیگره بولیم‌لریده اوشبو مملکت طالبان تحریکی (تی‌تی‌پی) نینگ فعالیتی نی ادعا قیلیب و اسلام امیرلیگی‌دن تی‌تی‌پی رهبرلریدن بیری حافظ‌گل بهادر نینگ تسلیم بیریلیشینی ایسته‌گن.
سیاسی ایش بیلرمانلردن قطاری، افغانستان برابریده ترورچیلیک مسئله‌سیدن فایده‌لنیش گه ایران و پاکستان نی عیب‌لب و ایتیشلریچه، مذکور مملکتلر افغانستان برابریده ایکی تامانلمه سیاست نی یوریته‌دیلر.
بو توغریده سیاسی مسئله‌لر بیلرمانی عزیز استانکزی نینگ ایتیشیچه: «ایران افغانستان و پاکستان چیگره‌سی خصوصیده گپلش گه حقی یوق. ایران نینگ افغانستان برابریده ایکی سیاستی بار. پرده آرقه‌سیده بو مملکت نینگ شیطان‌لیک سیاستی بار و شو رقم پاکستان افغانستان نینگ ایچکی ایشلری گه اره‌لشیش‌دن قول تارتمه‌یدی.»
بیزلرنینگ «ایکس» ترماغی ده هم تعقیب قیلینگ!
شونینگدیک سیاسی ایش بیلرمانلردن باشقه بیری محمدزلمی افغانیار پوپل نینگ ایتیشیچه، ایران و پاکستان خواطرلری نی اسلام امیرلیگی بیلن اوچره‌شوو یولی آرقه‌لی حل قیلیشلری ممکن. اونینگ کوپه‌یتیریشیچه: «افغانستان سرپرست حکومتی نینگ ایران و پاکستان گه بیرگن ایشانچی کبی اولر هم بو رقم ایشانچ بیره آله می؟ امید قیله‌من که بو مملکتلر هم بو نتیجه گه ییتیشگن بولسه‌لر که سیاسی و اقتصادی ثبات گه ایگه بولگن افغانستان قوشنی‌لر فایده‌سی گه دیر. موضوع‌لرگه اوچره‌شوو آرقه‌لی حل یول تاپسینلر.»
پاکستان و ایران افغانستان بیلن اینگ کوپ تجارتی علاقه‌لر گه ایگه بولگن و اسلام امیرلیگی بیلن دیپلماتیک علاقه‌لر آلیب باره‌دیگن اوشبو مملکت نینگ ایکی قوشنی‌سی، دایم تروریزم و مخدره ماده قاچاقی بولیمی‌ده سرپرست حکومت‌دن تنقید‌لر قیلگن.
