غور امنیتی و محلی مسئوللری نینگ ایتیشلریچه، یکشنبه کونی، ۲۲ دلو، اوشبو ولایت نینگ لعل‌وسرجنگل تومنی ده بیر ایرکک کیشی ساووق باعث هلاک بولگن.
بیزلرنینگ فیسبوک صحیفه‌میزگه باش اورینگ!
غور امنیه قوماندان‌لیگی نینگ سوزلاوچیسی عبدالرحمان بدری نینگ سلام‌وطندار گه ایتیشیچه، لعل‌وسرجنگل تومنی «پیتوی» قیشلاغیده «شیخ جعفر» اسملی بیر کیشی بامیان ولایتی یکاولنگ تومنی دن اویی تامان باریش پیتیده، ساووق باعث یول گه جان بیرگن.
غور معلومات و مدنیت ریاستی نینگ اطلاعات آمری محمد حماس گه کوره، اوتگن کون مذکور ولایت نینگ شهرک تومنیده ساووق‌سیره‌گن باشقه بیر کیشی، درمان اوچون حربی تیک اوچر آرقه‌لی هرات ولایتی گه انتقال بیریلگن.
بیزلرنینگ توییترده هم تعقیب قیلینگ!
بوندن آلدین، غور ده یامغیر و کوچلی قار یاغیشی اوشبو ولایت یشاوچیلریدن قربان‌لیک آلگن. مسئوللر نینگ معلوماتی اساسیده، نیچه کون آلدین بیر باله و بیر ایرکک کیشی فیروز کوه شهری ده ساووق باعث هلاک بولگن ایدیلر.
