ناتانیش قوراللی کیشی‌لر اوتگن “سه‌شنبه” کونی ننگرهار ولایتی نینگ خوگیانی و سرخ‌رود تومن‌لری و جلال‌آباد شهریده فرقلی هجوم‌لرده ۵ واکسیناتورنی اولدیریب و باشقه ۴ ته‌سینی یره‌لنتیرگنلر. اوشبو واقعه‌دن سونگ، ننگرهار ولایتیده پولیوگه قرشی ایملش دستوری توخته‌تیلگن و ساغلیک مسووللری نینگ ایتیش‌لریچه، اوشبو دستور توخته‌تیلیشی بیلن کمیده ۳۵۰ مینگ باله واکسین دن محروم قالگنلر.
بیراق، ننگرهار محلی مسووللری نینگ ایتیش‌لریچه، پولیوگه قرشی ایملش دستورینی یخشی شکلده عملگه آشیریش مقصد ده تیگیشلی بولگن اداره‌لر بیلن ینگی ریجه اوستیگه ایشله‌یدیلر.
ننگرهار حاکمی سوزلاوچیسی عطاالله خوگیانی نینگ ایتیشیچه، محلی اداره بیرینچیدن شهیدلر عایله‌لریگه ییریشیش‌نی ایسته‌یدی. اونینگ ایتیشیچه، پولیو واکسین نینگ عملگه آشیریلیشی خصوصیده تیگیشلی و یاردم بیرووچی نهادلر آره‌سیده هماهنگ‌لیک ایجاد ایتیلگن و بوتوغریده کوپراق ایش‌لش کیره‌ک.
بیراق، مملکت شرق حوزه‌سیده پولیوگه قرشی ایملش دستورینی عملگه آشیریش باشلیغی نجیب‌الله کامه‌وال نینگ سلام‌وطندارگه ایتیشیچه، محروم بولگن باله‌لرنی ایم‌لنیشی اوچون هیچ‌قنده‌ی برنامه قولگه آلینمه‌گن. «امنیتی وضعیت خواطرلنترووچی و بیزنی وقتینچه‌لیک ریجه‌میز یوق. کیله‌جکلرده وزارت بیران قرار قیلگن صورتده سیزلر بیلن شریک قیله‌میز.»
ننگرهار یشاوچی‌لری نینگ واکسیناتورلر اولدیریلیشیدن خواطر بیلدیریب ایتیش‌لریچه، دولت و اهالی‌نی هماهنگ‌لیککه ساغلیک ایشلاوچی‌لر خوفسیزلیگی‌نی تامین‌لش‌لری کیره‌ک.
ننگرهار دین عالم‌لریدن بیری شاکرالله نینگ ایتیشیچه، مسلمان نینگ اولدیریش حرام دیر و واکسیناتورلر بی‌طرف اهالی‌گه خذمت قیله‌دیلر.
اوتگن کونی ننگرهار ده یوز بیرگن واقعه مسوولیتی‌نی حاضرگه‌قدر هیچ‌بیر گروه یا-ده کیشی بوینیگه آلمه‌گن. ایتیلیشیچه، جاری میلادی ییل ۳۰ مارچ ده ۳ عیال واکیسناتور ناتانیش قوراللی کیشی‌لرنینگ هجومی سبب، ننگرهار ولایتیده هلاک ایتیلگن ایدیلر.
