بلخ ده اوغیرلنگن داکتر نادر عالمی، اوتگن کیچه اولدیریلگن

عصبی کسل‌لیکلر داکتری نادر عالمی، اوتگن کیچه بلخ ده آدم اوغیرلاوچیلر آرقه‌لی اولدیریلگن. مزارشریف حوزوی کسلخانه‌سی نینگ رئیسی غوث‌الدین غوری نینگ ایتیشیچه، جناب عالمی اوتگن کیچه اولدیریلگن. نادر عالمی جاری ییل ۲۹- سنبله ده مزاشریف شهری نینگ نوآباد منطقه‌سیده اویی نینگ یقیین‌لیگیدن اوغیرلنگن ایدی.

ننگرهار ده پولیوگه قرشی ایم‌لش دستوری توخته‌تیلگن؛ ۳۵۰ مینگ باله ایم‌لشدن محروم قالگن

ناتانیش قوراللی کیشی‌لر اوتگن “سه‌شنبه” کونی ننگرهار ولایتی نینگ خوگیانی و سرخ‌رود تومن‌لری و جلال‌آباد شهریده فرقلی هجوم‌لرده ۵ واکسیناتورنی اولدیریب و باشقه ۴ ته‌سینی یره‌لنتیرگنلر. اوشبو واقعه‌دن سونگ، ننگرهار ولایتیده پولیوگه قرشی ایم‌لش دستوری توخته‌تیلگن و ساغلیک مسوول‌لری نینگ ایتیش‌لریچه، اوشبو دستور توخته‌تیلیشی بیلن کمیده ۳۵۰ مینگ باله واکسین دن محروم قالگنلر.