تورکمنستان گازینی افغانستان آرقه‌لی پاکستان و هندوستان گه انتقال بیرووچی تاپی لایحه‌سی عملی ایشی، بوگون (۲۱-سنبله، چهارشنبه) افغانستانده رسمی طرزده باشلندی. تاپی لایحه‌سی ایشی باشلنیش مناسبتی بیلن یولگه قوییلگن احتفالده، افغانستان و تورکمنستان رسمی‌لری، منطقه ده بو کبی بویوک لایحه‌لر عملگه آشیریلیش اهمیتی گه اوستیگه تأکید اېتگنلر.
اروپا اتفاقی نینگ فوق‌العاده یاردملرینی هماهنگ قیلووچی مسئولی، افغانستان گه ۱۰۰ تُن دارو و طبی اوسکونه یاردم کورستگن‌لریدن خبر بیرگن. اروپا اتفاقی نینگ فوق‌العاده یاردملرینی هماهنگ قیلووچی مسئولی یانز لنارچیچ، ۲۰-سنبله، سه‌شنبه کونی ایکس صحیفه‌سیده بیر بیانیه ترقه‌تیب، اوشبو انسان پرورلیک یاردملر کابل گه یېتگنینی معلوم قیلگن.
سرپرست حکومت حج و اوقاف وزیرلیگی مسئوللری، بوگون (سه‌شنبه، ۲۰-سنبله)، حکومت نینگ اطلاعات و ییتکرمه‌لر مرکزی‌ده اوشبو وزیرلیک نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، بو ییل حج مراسمی‌ده تورلی سببلر بیلن ۲۷ افغانستان‌لیک حاجی جان بیرگن.
افغانستان ده بیرلشگن ملتلر تشکیلاتی انسان‌پرورلیک یاردم‌لرنی هماهنگ قیلووچی دفتری (اوچا) نینگ اعلام قیلیشیچه، افغانستان یشاوچیلریدن قریب اوچ‌دن بیر قسمی نینگ حیات کیچیریش اوچون ییترلی باش‌پنه‌سی یوق.
ایش و اجتماعی ایشلر وزیرلیگی مسئوللری، بوگون (دوشنبه، ۱۹-سنبله)، اوشبو اداره نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوتگن بیر ییلده افغانستان ده ۵۲۵۴ کیشی گه ایش فرصتلری یره‌تیلگن.
افغانستان ده بیرلشگن ملتلر تشکیلاتی نینگ انسان‌پرورلیک یاردم‌لرنی هماهنگ قیلووچی دفتری یا-ده اوچا نینگ اعلام قیلیشیچه، ناروی افغانستان نینگ انسان‌پرورلیک صندیغی گه بیر میلیون ۸۰۰ مینگ دالر یاردم بیرگن.
شانگهای همکارلیک تشکیلاتی اسلام امیرلیگی نینگ افغانستانده داعش کبی عصیانچی گروه‌لر بیلن قرشی کوره‌شی نتیجه بیرگنینی بیان قیلگن بیرحالده، بیرلشگن ملتلر تشکیلاتی مفصل ایکّی گزارش ترقه‌تیب، عصیانچی گروه‌لر اینیقسه داعش خراسان و القاعده گروه‌لری نینگ تهدیدلریدن خواطر بیلدیرگن.
ننگرهار، لغمان و قندوز ولایت‌لریده اوتگن ییل‌لرده خشخاش ایکه‌دیگن دهقانلردن قطاری نینگ ایتیشلریچه، حاضرگچه اولر گه بدیل ایکین ترقه‌تیلمه‌گن و بو وضعیت اولر نینگ اقتصادی قیین‌چیلیگی نی کوپه‌یتیرگن.
اۉزبېکستان استخبارتی تشکیلات باشلیغی عبدالسلام عزیزوف، عصیانچی گروه‌لر گه قرشی کوره‌ش ده افغانستان بیلن همکارلیک قیلیشی اوستیگه تأکید اېتگن. عزیزوف جنابلری اۉزبېکستان پایتختی تاشکینت شهریده شانگهای همکارلیک تشکیلاتی ییغیلیشیده، افغانستان حکومتی اۉز کوچی گه یره‌شه خلق‌ارا تروریزم گه قرشی کوره‌شماقده‌لیگینی معلوم قیلگن.
افغانستان فوتسال ملی تیرمه جماعه‌سی، کانتیننتال کپی ایکّینچی اوینیده کویت تیرمه جماعه‌سی گه بای بیردی. افغانستان فوتبال فدراسیونی بوگون (۱۳-سنبله، سه‌شنبه) فیسبوک صحیفه‌سیده بیر خبر ترقه‌تیب مملکت فوتسال ملی تیرمه جماعه‌سی کانتیننتال کپی مسابقه‌لریده، کویت برابریده ۴-۳حسابی بیلن مغلوب بولگنینی یازگن.
افغانستان فوتسال ملی تیرمه جماعه‌سی، کانتیننتال کپی اویین‌لریده کویت تیرمه جماعه‌سی بیلن بیلله شه‌دی. افغانستان فوتبال فدراسیونی بوگون (۱۳-سنبله، سه‌شنبه) فیسبوک صحیفه‌سیده بیر خبر ترقه‌تیب مملکت فوتسال ملی تیرمه جماعه‌سی کانتیننتال کپی مسابقه‌لریده، بوگون افغانستان وقتی بیلن توشدن سۉنگ ساعت ۲:۰۰ ده کویت بیلن بیلله شوونی یازگن.
بیرلشگن ملتلر تشکیلاتی خوفسیزلیک کینگشی، اوشبو قویاش آی نینگ ۲۸-کونیده بیر ییغیلیش اۉتکزیب افغانستان وضعیتینی بحث گه آلیشی کوتیله‌دی.
افغانستان قماقخانه‌لرنی ترتیب گه سالیش اداره‌سی مسئوللری بوگون (یک‌شنبه، ۱۱-سنبله)، اوشبو نهاد نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، حاضر ایسه افغانستان قماقخانه‌لریده ۱۱ مینگ کیشی محکومیت دوره‌سینی اوتکزماقده.
افغانستان ده بیرلشگن ملتلر تشکیلاتی نینگ انسان‌پرورلیک یاردم‌لرنی هماهنگ قیلووچی دفتری یا-ده اوچا نینگ اعلام قیلیشیچه، سویدن افغانستان نینگ انسان‌پرورلیک صندیغی گه ۶ میلیون ۸۰۰ مینگ دالر یاردم بیرگن.
کانلر و پترولیم وزیرلیگی سرپرستی هدایت‌الله بدری تورکمنستان گه قیلگن سفری دایره‌سیده، بو مملکت رسمی‌لری بیلن ایکّی و نیچه تامانلمه مهم اقتصادی لایحه‌لر جمله دن تاپی، تورکمنستان-افغانستان-پاکستان ۵۰۰ کیلوولت برق لینی (تاپ)، تورغندی-هرات تیمیر یولی نینگ بیرینچی فازینی قوریش و تورغندی بندرینی کېنگه‌یتیریش شرطنامه‌لرینی امضاله‌گن.
اسلام امیرلیگی تشقی ایشلر وزیرلیگی سرپرستی امیرخان متقی، ۹-سنبله، جمعه کونی کامرون ده اسلامی همکارلیک تشکیلاتی تشقی ایشلر وزیرلری نینگ ۵۰-ییغیلیشیده، بوتون مملکت‌لر اینیقسه بو تشکیلات گه اعضا مملکت‌لردن، قۉشمه منفعت اساسیده افغانستان بیلن اقتصاد و سودا مناسبت‌لرینی کېنگه‌یتیریش‌لرینی اېسته‌گن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصتلری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
