نوار غزه ده آتیشمه‌لر کوچه‌یگنی و اسرائیل بیلن حزب‌الله لبنان آره‌سیده هجوم‌لر کوپه‌یگنی بیرحالده، تورکیه جمهور باشلیغی رجب طیب اردوغان نینگ ایتیشیچه، مملکتی فلسطین اهالی‌سیدن دفاع قیلیش مقصد، اسرائیل گه کیریشی ممکن.
بوگون (دوشنبه، ۸-اسد)، رویترز آژانسی نینگ گزارش بیریشیچه، اردوغان بو موضوع نی اوتگن کون مذکور مملکت پارلمانی‌ده عدالت و ترقیات حزب ییغینیده بیان قیلیب و تورکیه اوتمیش‌ده قره‌باغ و لیبیا گه قنده‌ی کیرگن بولسه، اسرائیل گه هم کیره‌دی دیگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اسرائیل بو ایشلرنی فلسطین بیلن انجام بیره آلمسلیگی اوچون کوپ کوچلی بولیشیمیز کیره‌ک. قره‌باغ و لیبیا گه قنده‌ی کیرگن بولسه‌ی، اولر (اسرائیل) بیلن هم اوشه ایش نی انجام بیریشیمیز ممکن.»
تورکیه جمهور باشلیغی اسرائیل گه کیریش مقصدینی بیان قیلمه‌گن؛ بیراق اسرائیل‌لیک ییتکرمه‌لردن قطاری نینگ یازیشیچه، تورکیه، ناتو عضوی، اسرائیل نی حربی هجوم گه تهدید قیلگن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، اسرائیل تشقی ایشلر وزیری اسرائیل کارتز رجب طیب اردوغان نینگ بو بیاناتی گه قرشی عکس‌العمل بیلدیریب و ایتیشیچه، تل‌آویو گه هجوم بولگنی صورتده، تورکیه جمهور باشلیغی صدام حسین تقدیری بیلن روپه‌ره بولیشی ممکن. او اوز اکس صحیفه‌سیده یازیشیچه: «اردوغان صدام حسین نینگ یولی نی یوریماقده و اسرائیل نی هجوم خصوصیده تهدید قیله‌دی.»
بو بیانات اسرائیل حزب‌الله لبنان نی شنبه کونی جولان بلندلریده اویوشتیریلگن هجوم گه عیب‌لب، لبنان گه همه‌جانبه هجوم قیلیش‌دن آگاه‌لنتیرگنی بیرحالده، بیان بولگن.
