ینگی‌لیکده کانادا یېتکرمه‌لری، اوشبو مملکت نادولتی یاردم بیرووچی تشکیلات‌لری افغانستان گه انسان پرورلیک یاردم بیریش اوچون کانادا دولتی تامانیدن یره‌تیلگن چېکلاولردن تنقید قیلیب، افغانستان ده ترقیاتی یاردم‌لرینی باشلش گه اېزین بیریلیشینی اېسته‌گنلر.
کانادالیک انسان پرورلیک یاردم بیرووچی تشکیلات‌لر نینگ ایتیشلریچه، افغانستانده کمبغل‌لر و ایش‌سیزلر سانی کوپه‌یشی و امکانیت یوقلیگی اوچون، کانادا دولتی یاردم بیرووچی تشکیلات‌لر آرقه‌لی افغانستان خلقی گه کوپراق یاردم کورسه‌تیشی کېره‌ک.
کانادالیک نادولتی تشکیلات‌لر نینگ افغانستان ده انسان پرورلیک یاردم‌لری گه دوام بیریش اوچون طلب‌لریدن سونگ، مذکور مملکت نینگ عمومی امنیت وزیرلیگی، میلادی اوشبو ییل یکونیگه قدر، بو تشکیلات‌لر گه یره‌تیلگن قطار چیکلاولر حل اېتیلیشیدن ایشانچ بیرگن.
عین‌حالده، اسلام امیرلیگی اقتصاد وزیرلیگی، بو مملکت نادولتی تشکیلات‌لری نینگ افغانستان گه ترقیاتی یاردم‌لرینی قیته باشلش قرارینی خوش قرشی‌لب، بو لایحه‌لرنی عملگه آشیریش اوچون مذکور وزیرلیک نینگ تیارلیگی و همکارلیک قیلیشیدن ایشانچ بیره‌دی.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سۉزلاوچیسی عبدالرحمان حبیب نینگ سلام‌وطندار گه ایتیشیچه، افغانستان ده ترقیاتی لایحه‌لرنی عملگه آشیریش ده مملکت‌لر نینگ همکارلیک قیلیشی، مملکت اقتصادی کوچه‌یشی گه سبب بوله‌دی.
اونینگ کوپهیتیریشیچه: «کانادا و افغانستان گه یاردم بیرووچی تشکیلات‌لر نینگ ترقیاتی یاردم‌لرینی خوش قرشی له‌یمیز؛ یاردم بیرووچی تشکیلات‌لر و مملکت‌لردن اقتصادی نیازمندلیک و اوشبو وزیرلیک نینگ اویغون‌لیگی بیلن ترقیاتی لایحه‌لرینی عملگه آشیریشینی اېسته‌یمیز؛ چونکه بو لایحه‌لر عملگه آشیریلگن حالده انسان پرورلیک یاردم‌لر گه اونچه‌لیک احتیاج قالمه‌یدی.»
اسلام امیرلیگی حاکمیت نی آلگنیدن سۉنگ، کانادا قریب اۉتگن اوچ ییل ده اوشبو مملکت نینگ افغانستان گه انسان پرورلیک تشکیلات‌لر نینگ فعالیت‌لرینی چېکلب و توخته‌تگن.
بیزلرنینگ «ایکس» ترماغی ده هم تعقیب قیلینگ!
کانادا اوشبو مدت ایچیده یاردم بیرووچی تشکیلات‌لر نینگ یاردم‌لری توخته‌تیلیش کمچیلیگینی یاردم بیرووچی تشکیلات‌لر یا که بو مملکت نینگ افغانستان گه نقدی یاردم کورسه‌تیش بیلن تولدیریش گه سعی-حرکت قیلگن.
اقتصادی ایش بیلرمان‌لر کانادا نینگ اوشبو قرارینی خوش قرشی‌لب سرپرست حکومت دن اۉز ریجه و اسلوب‌لری بیلن کانادا نینگ ترقیاتی یاردم‌لری باشلنیشیدن اساسی شکلده قوللنیشنی اېسته‌یدیلر؛ چونکه بو حکومت نینگ مثبت همکارلیک قیلیشی مملکت‌لر و باشقه تشکیلات‌لر نینگ افغانستان گه یاردم بیریش اوچون ایشانیشی گه سبب بوله‌دی.
اقتصادی ایش بیلرمان قیس محمدی گه کوره: «افغانستان نینگ ترقیاتی اوچون حاضرگچه استراتیژیک برنامه‌میز یوق؛ اقتصادی قیسی سکتورنی رواجلنتیریش گه حاضرگچه قرار قیلینمه‌گن.»
کانادا افغانستان گه ترقیاتی یاردم‌لرینی قچان باشلشی همان نامعلوم؛ بیراق بو مملکت دولتی سرپرست حکومت بیلن تعامل قیلیش اوچون اجازتینی آلیش بیلن، کاناد نادولتی یاردم بیرووچی تشکیلات‌لر گه فعالیت قیلیش اوچون اجازه بیریشی اوستیگه تاکید اېتگن.
