افغانستانده بیرلشگن ملتلر تشکیلاتی اورین باسرلیگی (یوناما) میزبانلیگی بیلن، «دوحه جریانی» آتیده خصوصی بولیم ایش گروهینینگ اوچینچی ییغیلیشی، کابلده اوتکزیلدی.
اسلام امیرلیگی تشقی ایشلر وزیرلیگی سوزلاوچیسینینگ اورین باسری ضیااحمد تکل، بوگون (۲۱ دلو/۱۰ فبروری، سهشنبه) ایکس صحیفهسیده بیر بیانیه ترقهتیب، اوشبو ییغیلیش اوتگن کون آنلاین و حضوری شکلده اوتکزیلگنینی بیلدیرگن.
اوشبو ییغیلیشده، تشقی ایشلر، مالیه، صناعت و سودا، اقتصاد، ایش و اجتماعی ایشلر وزیرلیکلری، افغانستان مرکزی بانکی، یوناما، بیرلشگن ملتلر تشکیلاتیگه تیگیشلی نهادلر، خلقارا و منطقه بوییچه تشکیلاتلرنینگ وکیللری، بعضی مملکتلرنینگ ایلچیلری، وکیللری و دیپلماتلری همده بیلرمانلر اشتراک ایتگنینی قوشیمچه قیلگن، ضیااحمد تکل.
اونگه کوره، بو ییغیلیشده اسلام امیرلیگی وکیللری یوتوقلری حقیده معلومات کیریتگن و اشتراکچیلر هم اسلام امیرلیگی بیلن همکارلیکلریگه دوام اییتتیریش وعدهسینی بیرگنلر.
دوحه جریانی آتیده بنگیوار مادهلر گه قرشی کورهش ایش گروهینینگ تورتینچی ییغیلیشی، ۱۵ دلو کونی حضوری و آنلاین طرزده کابلده اوتکزیلگن ایدی.
