بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، سویدن آرقهلی افغانستان انسانسیورلیک صندیغیگه ۲.۹۹ میلیون دالر یاردم بیریلگنینی معلوم قیلگن.
اوچا بوگون (۲۴-جوزا/۱۴-جون، یکشنبه)، اکس صحیفهسیده سویدننینگ ینگی یاردمیدن قدردانلیک قیلیب و ایتیشیچه، مذکور حمایت افغانستان دهگی انقراضلر و کوتیلمهگن فوقالعاده وضعیتلرگه تیزکار جواب بیریش اوچون بیرینچی قطارده فعالیت یوریته یاتگن شریکلرینینگ صلاحیتینی مستحکملهیدی.
مذکور نهادنینگ کوپهیتیریشیچه، افغانستان انسانسیورلیک صندیغی یاردملری جمعیتنینگ اینگ نیازمند بولیملریگه حیاتی اهمیتگه ایگه یاردملرنی ییتکزیش همده شاشلینچ بشری احتیاجلرگه جواب بیریشده مهم اورینگه ایگه دیر.
اوچانینگ معلوماتی اساسیده، جاری ییلده افغانستاننینگ ۲۱ میلیون ۹۰۰ مینگ یشاوچیسی، انسانسیورلیک یاردملرگه محتاج دیر.
