صنعی هوش، تکنولوژی‌‌نینگ اینگ قیزیق و رواجلنگن بولیم‌لری صفتیده، سونگی ییل‌لرده کوپینچه کیشی‌نینگ توجه‌سینی اوزیگه قره‌تگن. ماشین‌لرده انسان عقلی‌دن تقلید قیلیش بیلن ایشله‌یدیگن اوشبو تکنولوژی، دنیاده کینگ شکلده ترقه‌لماقده و تورلی ساحه‌لرده کوپینچه یاش تامانیدن قوللنیله‌دی.
سلام‌وطندار یاشلر آره‌سیده صنعی هوشدن فایده‌لنیش‌نی تیکشیریش اوچون، کابل ده ۲۰ کیشی جمله‌دن ۱۰ ییگیت و ۱۰ قیز بیلن صحبت اوتکزگن. اوشبو تیکشیروو گه کوره، مذکور یاشلر صنعی هوشدن کوپراق ایش و تحصیل ساحه‌سیده قوللنه‌دیلر.
بو گزارش‌ده صحبت قیلگن یاشلردن ۸ ته‌سی ایش ساحه‌سی و ۱۲ ته‌سی ایسه تعلیمی ساحه‌سیده آسایشته‌لیک یره‌تیلیشی مقصد بو تکنولوژیدن فایده‌لنه‌دی.
تحصیل ساحه‌سیده آسایشته‌لیک یره‌تیلیشی مقصد صنعی هوشدن فایدهلنهدیگن اقتصاد فاکولته‌سی طلبه‌سی بولمیش عبدالروف رحیمی‌نینگ ایتیشیچه: «صنعی هوشدن تورلی ساحه‌لرده فایده‌لنیش ممکن. مین اوزیم اقتصادی موضوع‌لردن کوپینچه‌سیده بو تکنولوژیدن فایده‌لنه‌من و بعضا قیسقه‌رتمه‌لرنی مینگه مکمل شکلده چیقره‌دی. شونینگدیک مین هم بعضا چت جی‌پی‌تی‌دن فایده‌لنه‌من.»
بیزلرنینگ فیسبوک صحیفه‌میزگه باش اورینگ!
شونینگدیک تحصیل ساحه‌سیده آسایشته‌لیک یره‌تیلیشی مقصد صنعی هوشدن فایدهلنهدیگن انجنیرلیک فاکولته‌سی طلبه‌سی بولمیش سیدانور نینگ ایتیشیچه: «بیر یخشی‌لیگی بو دیر که برچه سوراق‌لرگه جواب بیره‌دی و هر بولیم‌ده معلومات بیره‌دی. مین انجنیرلیک مسئله‌لری و بعضا ایسه معلومات آلیش اوچون فایده‌لنه‌من.»
گرافیکی ایشلری قوله‌یلیگی اوچون صنعی هوشدن فایدهلنهدیگن یاشلردن بیری احمد‌نینگ ایتیشیچه، بو تکنولوژی ایش ساحه‌سیده یخشی بیر همکار دیر. «صنعی هوش یخشی بیر همکار دیر. چت جی‌پی‌تی و باشقه صنعی هوش سایت‌لری بار که هر بیر بولیم جمله‌دن، گرافیک، تریدینگ و معلومات قولگه کیلتیریش اوچون، یخشی کمک قیله آله‌دی.»
تورلی تیل‌لرنی اورگه‌نیش، مصلحت قولگه کیلتیریش و اویین-کولگی ساحه‌لری، صحبت قیلگن یاشلر آرقه‌لی فایده‌لنگن باشقه بولیم‌لردن دیر.
تیل اورگه‌نیش ساحه‌سیده بو تکنولوژیدن فایدهلنهدیگن کابل یشاوچیسی زهرا‌نینگ ایتیشیچه: «بیر ییل‌دن بیری صنعی هوشدن ترجمه، درس سوراقلری حلی، معلومات قولگه کیلتیریش و تیل اورگه‌نیش ساحه‌سیده قوللنه‌من.»
صنعی هوشدن فایدهلنهدیگن دیبا‌نینگ ایتیشیچه: «مصلحت آلیش، سوراقلر حلی و مقاله‌لر خصوصیده چت جی‌پی‌تی۴دن ایش آله‌من.»
شوندهی بیرحالده، صنعی هوشدن فایده‌لنیش خصوصیده بیر قطار خواطرلر هم بار و بو تکنولوژیدن فایده‌لنه‌دیگنلر، تکنولوژی دنیا‌‌سی کنترولی‌نی قولگه آلیش، خصوصی حریم‌گه کیریش، انسان‌لرنی تنبل‌لشتیریش و ایش ساحه‌لری کمه‌یشی توغریسیده، خواطر بیلدیرگنلر.
بو توغریده زهره بگرام‌وال‌نینگ ایتیشیچه: «کیله‌جک‌ده بلکیم ایشلردن کوپینچه‌سی‌نینگ اورته‌دن کیتیشی و شونینگدیک دایم صنعی هوشدن فایده‌لنگنیمیز‌ده، بلکیم استعدادیمیز کمه‌یشی ممکن. شو رقم بیزلر اوز حقیمیزده صنعی هوش‌گه معلومات بیره‌میز که بو خصوصی حریم‌گه قول تاپیشی ممکن.»
شونینگدیک شیرزاد، صنعی هوشدن فایده‌لنیش انسان‌نینگ تنبل‌لنیشی گه سبب بولیشی خصوصیده ایتیشیچه: «بو انسان‌نینگ کوپراق صنعی هوش‌گه تکیه قیلیب و سعی‌وحرکت‌دن اوزاق لشتیره‌دی. صنعی هوش‌نینگ تیکین‌روش‌ده فایده‌لنیشی بیتگنی‌دن کیین مذکور کیشی تنبل و اوز ایشینی اوزی قیله آلمه‌ی قالیشی گه سبب بوله‌دی.»
عین حالده، تکنولوژی ساحه‌سی بوییچه بیلرمان‌لر‌نینگ ایتیشلریچه، کیله‌جک‌ده صنعی هوش مخصوص بولیم‌لرده انسان اورنیگه بیراز ایش قیلیشی ممکن؛ بیراق انسان کبی توشینیش کوچی گه ایگه بولمه‌گنی سبب، صنعی هوش و باشقه تکنولوژی وسیله‌لری، انسان بیلن رقابت قیله آلمه‌‌یدی.
بیزلرنینگ «ایکس» ترماغی ده هم تعقیب قیلینگ!
آی‌تی و تکنولوژی بوییچه متخصص محمد‌موسا محمدی‌نینگ ایتیشیچه: «اهالی صنعی هوش نینگ درک قیلیشی، فکر قیلیشی یا-ده انسان اورنی‌نی آلیشینی توشینه‌دیلر. حاضر ایسه ایته آله‌میز که بو فکرلر ناتوغری و صنعی هوش‌نینگ هیچ قنده‌ی درک و توشینیش امکانیتی یوق و هیچ قچان انسان اورنی‌نی آلالمه‌یدی. انسان اوزی بیر نرسه توزته آله‌دی، بیراق صنعی هوش بیرگنیمیز دیتالر گه اساس قرار آلاله‌دی و انسانلر خذمتی‌ده دیر.»
شوندهی بیرحالده، تکنولوژی و مخابرات وزیرلیگی مسئوللری، کابل و ولایت‌لرده صنعی هوش کبی ینگی تکنولوژی‌لردن فایده‌لنیش و معلومات بیریلیش برنامه‌لری‌نینگ یولگه قوییلگنی‌دن خبر بیرگنلر.
تکنولوژی و مخابرات وزیرلیگی سوزلاوچیسی عنایت‌الله الکوزی‌نینگ سلام‌وطندار گه ایتیشیچه: «تکنولوژی و مخابرات وزیرلیگی، صنعی هوش کبی تکنولوژی‌لردن فایده‌لنیش‌ده اهالی و یاشلر گه معلومات بیریش اوچون سعی‌وحرکت قیله‌دی و حاضر ایسه اهالی‌دن کوپینچه‌سی چت جی‌پی‌تی کبی برنامه‌دن ایش، تعلیم و باشقه بولیم‌لردن فایده‌لنه‌دیلر.»
ایتیش کیره‌ک که، صنعی هوش کمپیوتر بیلیم‌لری‌نینگ بیر بولیمی صفتیده بولیب و یریم دهه‌دن بویان، تکنولوژی دنیا‌سی‌گه کیریب و تیز بیر شکلده رواجلنگن و شونینگدیک تورلی مملکت‌لرده کوپینچه فایده‌لنووچی گه ایگه دیر.
