پاکستاننینگ بلوچستان ایالتی مرکزی کویته شهریده خودکش هجوم عاقبتیده ۵۰ دن آرتیق کیشی اولیب و یرهلنگن.
یېتکرمهلرنینگ معلوماتی اساسیده، بو واقعه ۱۱-سنبله، سهشنبه کونی شام چاغی کویته شهریده شاوانی سپورت کلوبی یقینیده یوز بیرگن.
معلوماتلر گه کوره، بلوچ محلی رهبرلریدن بولمیش عطاالله منگلنینگ وفاتی ییللیگیدن نشانلش مراسمی جریانیده واقعه یوز بیریب و نتیجهده ۱۷ کیشی هلاک بولیب و باشقه ۳۶ کیشی یرهلنگن.
معلوماتلر اساسیده، اوشبو مراسمده خیبرپشتونخواه ملی عوام رهبری محمود خان اچکزی و بلوچ سیاسی حزب رهبری اختر منگلنینگ حضوری بولگن، بیراق اولرنینگ هېچ بیریگه ضرر یېتمهگن.
بو هجوم مسئولیتینی حاضرگه قدر هېچ کیم یا که گروه تن آلمهگن.
بلوچستان ایالتی سۉنگی ییللرده کېنگ کولمده قانلی هجوملر گواهی بولگن. تندرو گروهلر و محلی عصیانچیلر نیچه مرته اوشبو ایالتده خودّی شوندهی هجوملرنی اویوشتیرگن و بو منطقه خوفسیزلیگی پاکستان دولتینینگ جدی معمالریدن بیری حسابلنهدی.
