بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی، افغانستان ده قیتگن قاچقینلرگه پول ترقهتیلیش مرکزلری فعالیتینینگ توختهتگنینی معلوم قیلگن.
مذکور نهاد، بیر بیانیه آرقهلی یازیشیچه، اوشبو قرار اسلام امیرلیگی آرقهلی بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی مرکزلریده عیاللر ایشلشی تقیقلنگنی طفیلی آلینگن. «بو قرار عملیاتی سببلر اوچون آلینگن؛ چونکه عیال ایشلاوچی بولمسدن مملکت گه قیتگن ۵۲ فایز عیال بیلن صحبت قیلیش و معلومات ییغیش، امکانسیز دیر.»
بیرلشگن ملتلر تشکیلاتی قاچقینلر ایشلری بوییچه عالی کمیسارلیگینینگ اورغولشیچه، بو نهاد، مرکزلریگه عیال ایشلاوچیلرنینگ قیتیشی اوچون اسلام امیرلیگی بیلن مذاکره قیلماقده.
باشقه بیر تاماندن، اسلام امیرلیگی سوزلاوچیسی ذبیحالله مجاهدنینگ ایتیشیچه، قاچقینلرگه بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی آرقهلی یاردملر ترقهتیلیشی تقیقلنگنی بو نهادنینگ بهانه قیلیشی سبب اورته گه کیلگن. اونینگ کوپهیتیریشیچه: «قاچقینلر اوچون مملکت ایشیکلریدهگی قاعده-قانوننینگ عملگه آشیریلیشی و یاردم آتیدن ناتوغری فایدهلنمسلیگی کیرهک؛ بو تشکیلاتنینگ بهانه قیلیشی اوزلریگه تیگیشلی دیر و یاردملر ترقهتیلیشی بولیمیده بیران قیینچیلیکنی کورمهیمیز.»
مجاهدنینگ کوپهیتیریشیچه، مملکت گه قیتگنلرگه اسلام امیرلیگی آرقهلی خذمت کورسهتیلیش و یاردم بیریلیش جریانی، عادی شکلده دوام قیلماقده.
