مملکت تشقی ایشلر وزیرلیگی نینگ سیاسی معینی شیرمحمد عباس استانکزی گه کوره، پاکستان خلق‌ارا مهاجرت قانون_قاعده‌لری گه قرشی افغانستان‌لیک مهاجرلر بیلن یانده شه‌دی.
استانکزی اوشبو سوزلرینی بوگون (چهارشنبه، ۵ میزان)، کابل ده خلق‌ارا سیاحتچی‌لیک کونی مناسبتی بیلن یولگه قوییلگن ییغیلیش ده بیان قیلگن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی سیاسی معینی نینگ کوپه‌یتیریشیچه، پاکستان اوشبو مملکت ده افغانستان‌لیک مهاجرلرنی کلتکلش و بیزاوته قیلیش دن قول تارتیب و اولر بیلن خلق‌ارا مهاجرت قانون_قاعده‌لری اساسیده یانده‌شوولری کیره‌ک.
استانکزی جنابلری اوز بیاناتیده، قوشنی اولکه‌لر اینیقسه پاکستان افغانستان‌لیک مهاجرلر بیلن ناقانونی یانده‌شوولری گه چیک قوییشی اوستیده تأکیدلب ایتیشیچه: «بو وضعیت دوامی ایکی مملکت مناسبتی اوستیگه سلبی تأثیر قیله‌دی.»
مذکور ییغیلیش ده تشقی ایشلر وزیرلیگی نینگ سیاسی معینی، هیچ بیر مملکت دن آت توتمه‌ی، افغانستان نینگ ایچکی مسئله‌لری گه دایر ناتوغری بیانات بیرمسلیک‌لرینی سوره‌گن.
بیزلرنینگ «ایکس» ترماغی ده هم تعقیب قیلینگ!
اونگه کوره: «هر مملکت نینگ ایچکی مسئله‌لری اوز ایچیده حل بولیب و باشقه اولکه‌لر مملکت‌لر نینگ ایچکی مسئله‌لری گه اره‌لشیش حقی یوق دیر.»
سونگی کون‌لرده، قوشنی مملکت‌لر اینیقسه پاکستان ده افغانستان‌لیک مهاجرلر نینگ قولگه آلیش جریانی کوپه‌یب و مذکور مملکت ده افغانستان‌لیک مهاجرلر نینگ خواطری گه سبب بولگن.