کابل ده وزیرلیکلردن بیرینینگ کیریش ایشیگی یانیدهگی کیچیک بیر اتاقده، بیر عیال یاغاچدن یسل چوکیده اولتیرگن. کوپ دقت بیلن کیلیب-کیتهدیگن عیاللرنی تلاشی قیلهدی. چرچهگنینی کوزلریدن بیلیش ممکن؛ لیکن هر مرته بیری کیریب کیلسه، کوپ آراملیک و تبسم بیلن سورهشیب و تلاشی قیلیشگه باشلهیدی. نیچه دقیقه اونگه قرهب اولتیردیم. بو اونینگ کوندهلیک حیاتینینگ بیر قسمی دیر و او ییللردن بیری حیات قیینچیلیگی برابریده توختهب و سعیوحرکت قیلماقده.
۴۵ یاشر عابده سطانی، قریب تورت ییل آلدین و آز مدتلی تعلیمی بیر دورهنی اوتکزیشدن کیین، بو بولیمده ایش گه آلینگن. اونینگ ایتیشیچه، اوشبو ایش بیلن تورت کیشیلیک عایله نیازلرینی تامینلهیدی. «تجربهم یوق ایدی؛ بیراق بو بولیمده اوچ آی تعلیم کوردیم و اوندن کیین، ایشیم کوپ یخشی بولدی و قیینچیلیکلریم بیراز حل بولدی؛ ایشیم تلاشی بولگنی اوچون بیراز قیین دیر.»
بیزلرنینگ فیسبوک صحیفهمیزگه باش اورینگ!
۱۳ ییلدن بیری عایله سرپرستلیگی بوینیگه بولگن سلطانینینگ کوپهیتیریشیچه، مذکور ییللرده عایله نیازلرینی تامینلش اوچون صفاکارلیک، نان پیشیریش و آشپزلیک کبی قیین ایشلرینی تجربه قیلگن. «بالهلریمنی اوزیم کته قیلدیم. تورموش اورتاغیم کیتگنیده، بالهلریم جودهیم کیچیک ایدی و مین کوپ قیینچیلیکلرنی چیدهدیم؛ بعضا بالهلریم آچ قالهر ایدی و کسللیک پیتیده حتا عادی بیر دارونی ساتیب آلیش گه هم کوچیم ییتیشمهیدی.»
عابده، تشقریده ایشلشگه علاوه بالهلرینینگ تربیهسی گه هم ییتیشیشنی ایستهیدی، بیراق عایله نیازلرینینگ تامینلش یوکینی بوینیگه تاشیشگه مجبور دیر که بو یوک، بنگیوار ماده گه چلینگن تورموش اوتاغی اوچون اونینگ بوینیگه توشیب قالگن. «ایشلش یانیده اویده بالهلریم تربیهسی گه هم ییتیشیشنی ایستهیمن؛ بیراق مجبورلیک دیر و بالهلریمنینگ آزیق-آوقت و کییم توغریسیدهگی نیازلرینی تامین قیلیشیم کیرهک که ایشلمهسم، قندهی بو نیازمندلیکلرنی تامین قیلهی.»
اونینگ ایتیشیچه، تشقیده اوزون وقتلی ایشلش، ساغلیگیگه هم زیان ییتیشتیرگن؛ لیکن بو قیینچیلیکلرنی بالهلری اوچون چیدهش گه مجبور دیر. «عصبی فشارم دایم یوقاری کیتهدی؛ بعضا یورهگیمده آغریق حس قیلهمن و جگرمده چربیسی بار، بیراق چیدهیمن که بالهلریمنینگ قولی باشقهلرگه اوزهلمهسین. یالغیز بالهلریم اوچون هر قنچه قیینچیلیک و ایش بولسه هم چیدهیمن.»
بیزلرنینگ «ایکس» ترماغی ده هم تعقیب قیلینگ!
درآمدی اونچه کوپ بولمهی و حیات نیازلرینی قیینچیلیک بیلن تامین قیلسهده؛ لیکن اونینگ خوشلیگیگه سبب بولهدیگن نرسه خواطرجمعلیک و بالهلرینینگ رواجلنیشی دیر. «خدا گه شکر اوچ قیزیم توی قیلدی و باشقه قیزلریم ایسه درس اوقیدی. گرچند مین قیین کونلرنی چیدهیمن؛ بیراق اولرنینگ باشقهلردن آرتگه قالمهی و رواجلنیشی مینی اوچون ییترلی دیر.»
یالغیز عابده سلطانینینگ حیات حکایهسی بو رقم ایمس، بلکیم افغانستان ده عیاللردن کوپ قطاری تورموش اورتاقلرینینگ حیات نیازلری تامینلش توغریسیده امکانیتسیزلیگی سبب، عایله نیازلرینی تامینلش اوچون قیین ایشلر بیلن شغللنیب و ایشلش مجبورلر.
