ساغلیق‌نی سقلش وزیرلیگی بوگون (پنج‌‍شنبه، ۱۶-قوس)، «طبیات خادم‌لری» ملی کونیدن نشانله‌دی. بو وزیرلیک نینگ ساغلیق خذمت کورسه‌تیش ایشلری بوییچه معینی حبیب‌الله آخوندزاده گه کوره، حاضر مملکت بویلب ۳۰ مینگ طبیات خادمی موجود و اولر نینگ ۵۰ فایزینی عیاللر تشکیل بیره‌دی.
او نینگ کوپه‌یتیریشیچه: «طبیات بولیمیده تیکین شکلده ایشله‌یدیگنلر تامانیدن کوپراق خذمت کورسه تیله‌دی، چونکه اولر یشاوچیلر نینگ اوی‌لری گه باریب ساغلیق خذمت کورسته‌دیلر، مصلحت بیره‌دیلر، بونگه قوشیمچه ۵۴۹ ساغلیق مرکز موجود و کیله‌سی ییل ده ۱۶۸ مرکز قوریلیشی کوتیله‌دی.»
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی مسئوللری نینگ ایتیشلریچه، بو وزیرلیک طبیات خادم‌لرینی قوللب-قوتلش و ساغلیق تیزیمینی کوچه‌یتیریش گه متعهد دیر. مذکور وزیرلیک نینگ بیرینچی خذمت کورسه‌تیش مرکزلر باشلیغی ذبیح‌الله حارث گه کوره: «ساغلیق مرکزلرده شفاکار یوق، یخشی خذمت کورستیلمه‌یدی، اوتگن ییل ده اوشبو خادم‌لر ۴۰۰ مینگ دن آرتیق توغیلیشنی عملگه آشیریب و ۱۰ مینگ دن آرتیق تورلی خیل ولادت نی قیتیریشگن، ایریم پیت‌لر سل (توبرکلوز) و بیزگک (ملاریا) کسل‌لرینی دواله‌گنلر، بولر تقدیر گه سزاوار دیر.»
باشقه تاماندن، طبیات خادم‌لریدن بیرقطاری ساغلیق‌نی سقلش وزیرلیگیدن اولرنی طبی اوسکونه‌لر بیلن تامینلب و ظرفیت‌لرینی آشیریش اوچون برنامه یولگه قوییشنی سوره‌یدیلر.
ایکی ییل دن بیری کابل تومن‌لریدن بیری نینگ ساغلیق مرکزلریده ایشلب کیلگن کامله نینگ ایتیشیچه، طبی اوسکونه ییتیشمسلیگی و کسل‌لر اوچون دارو یوق‌لیگی، طبیات خادم‌لری نینگ اساسی قیینچیلیک‌لریدن دیر.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «بیر قطار اوسکونه‌لریمیز یوق، گرچند بعضی نرسه‌لرنی بیریش اوچون رویخط گه آلگنلر، بیراق حاضرگچه بیریشگن یوق، یشاوچیلر گه خذمت قیلیش اوچون بیزنی قوللب-قوتلش‌لرینی ایسته‌یمیز.»
کابل قره‌باغ تومنیده آلتی ییل دن بیری ایشلب کیلگن ۳۴ یاشر علی‌محمد گه کوره: «دارو و باشقه ضروری نرسه‌میز یوق، بونگه قوشیمچه ظرفیتیمیزنی آشیریش اوچون برنامه یولگه قوییلیشی کیره‌ک، سابق یولگه قوییلگن برنامه‌لر بیز گه کوپ یاردم بیرگندی، بیز گه دقت قیلینیشنی ایسته‌یمیز.»
افغانستان نینگ طبیات بولیمی ایریم معمالر جمله دن شفاکار آزلیگی و دارو ییتیشمسلیک قیینچیلیگی بیلن دوچ بولیب و خلق‌ارا ساغلیق‌نی سقلش تشکیلات‌لر طبی یاردم‌لرینی توخته‌تیب یا که کمه‌یتیرگن بیرحالده، ساغلیق‌نی سقلش وزیرلیگی تامانیدن طبیات خادم‌لری کونیدن نشانلنگن.