خلقارا ساغلیقنی سقلش تشکیلاتی بیر گزارش ترقهتیش بیلن ایتیشیچه، میلادی ۲۰۲۴-ییل نینگ باشلنگنیدن حاضرگچه، افغانستان ده پولیو نینگ ۲۳ مثبت واقعهسی قید ایتیلگن.
اوشبو نهاد ۲۲-عقرب، سهشنبه کونی هفتهلیک گزارشیده کوپهیتیریشیچه، اوتگن ۱۱ آیده افغانستان و پاکستان ده پولیو نینگ ۷۱ مثبت واقعهسی قید بولگن.
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، اسلام امیرلیگی ساغلیقنی سقلش وزیرلیگی سوزلاوچیسی شرافت زمان امرخیل، سلاموطندار گه متنی بیر پیام یوباریش بیلن ایتیشیچه، حاضرگچه افغانستان ده بالهلر فلجی کسللیگی نینگ هیچ بیر مثبت واقعهسی ثبت بولمهگن.
شفاکارلردن قطاری پولیو ویروسی نی خوفلی دیب و ایتیشلریچه، اوشبو کسللیککه چلینگن بالهلر نینگ دوالنیش امکانیتی یوق.
بو توغریده شفاکارلردن بیری هاشم وهاج نینگ ایتیشیچه: «پولیو اینگ خوفلی کسللیکلردن بیری دیر که حاضرگچه اهالی دارو وعلاجی نی تاپه آلمهگن. پولیو گه چلینگن کیشی فلج بولهدی. قول و ایاغی فلج بولهدی و حرکت قیلمهیدی. بو دایمی فلجلیک دیر و عمری نینگ آخریگچه باله ناگران قالهدی.»
شونینگدیک شفاکارلردن باشقه بیر قطاری نینگ ایتیشلریچه، ایچکی مهاجرتلر، پاکستان دن قاچقینلر نینگ قیتیشی، محیط نینگ افلاسلیگی و پولیو واکسینی فایدهلریدن اهالی نینگ اگاهیسیزلیگی، بو ویروس گه بالهلر نینگ چلینیشی نی کوپهیتیرگن.
بیزلرنینگ فیسبوک صحیفهمیزگه باش اورینگ!
بو توغریده شفاکارلردن باشقه بیری گلمحمدالدین محمدی نینگ ایتیشیچه: «بیر قطار محیط افلاسلنگن. شونینگدیک بالهلر نینگ واکسین بولمسلیگی، قوشنی مملکتلردن قیتیش، بیر ولایتدن باشقه بیر ولایت گه باریش یا-ده او ییرده واکسین جایی بولمهگن تومنلر. شونینگدیک بوندن آلدین اویمه-اوی واکسین تطبیق بولیدی که حاضر مسجددن مسجد و قیشلاقدن قیشلاققه واکسین تطبیق بولهدی که بو اوزی بالهلر نینگ واکسین بولمسلیگی گه سبب بولهدی.»
ایتیش کیرهک که، افغانستان و پاکستان دنیا ده بالهلر فلجی کسللیگی مکمل شکلده اورتهدن کیتمهگن مملکتلردن دیر.
