ساغلیق‌نی سقلش وزیرلیگی مسئوللری نینگ ایتیشلریچه، ایسیق‌لیک درجه‌سی آشیشی سبب، موسومی کسللیکلر جمله‌دن محرقه، ملاریا، ایچ کیتمه و باشقه نیچه کسللیک مملکت نینگ تورلی بولیم‌‌لریده ترقه‌لگن که نتیجه‌ده، ۱۰۰ کیشی وفات ایتگن.
ساغلیق‌نی سقلش وزیرلیگی سوزلاوچیسی شرافت زمان امرخیل نینگ سلام‌وطندار گه ایتیشیچه، اوتگن ایکی آی جریانیده ایسیق‌لیک درجه‌سی آشیشی نتیجه‌سیده، ۱۰۰ مینگ کیشی ایچ کیتمه کسل‌لیگی چلینگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اوتگن ایکی آی‌ده ۱۰۰ مینگ کیشی کسل‌خانه گه مراجعت قیلگن که، ملار‌یا‌دن باشقه کسللیکلر ایسیق‌لیک درجه‌سی نتیجه‌سیده ترقه‌‌تیلگن، مملکت بویلب ۱۰۰ یشاوچیسی ایسه وفات ایتگن.»
ساغلیق‌نی سقلش وزیرلیگی مسئوللری نینگ کوپه‌یتیریشلریچه، اولر کسل‌لر گه ساغلیق خذمت‌لر ارایه‌سی کوپه‌یشی خصوصیده سعی و حرکت قیلماقده‌لر.
شونده‌ی بیرحالده، اندراگاندی کسل‌خانه مسئوللری نینگ ایتیشلریچه، اوتگن بیر آی‌ده موسومی کسللیکلر ترقه‌لیشی کوپهیگن دیر.
مذکور کسل‌خانه مسئوللریدن حبیب‌الرحمان نینگ سلام‌وطندار گه ایتیشیچه: «سرطان آیی‌ده ۵۷۸ کیشی ایچ کیتمه گه چلینگن که، اولردن ۴ ته‌سی وفات قیلگن. شونینگدیک ۱۰۶ کیشی ملاریا و ۹۴ کیشی ایسه محرقه گه چلینگن و مذکور ایکی کسللیک سبب، هیچ فوتی واقعه یوق.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، اندراگاندی کسل‌خانه شفاکارلریدن عارف حسن‌زی، عایله‌لردن باله‌لری نینگ واکسین قیلیب و اولر نینگ آنه سوتی بیلن آوقت‌لنیشی نی ایسته‌گنلر.
ایتیش کیره‌ک که، ساغلیق خذمت‌لر گه قول تاپه آلمه‌سلیک و یشاوچیلر تامانیدن ساغلیق مسئله‌لر نینگ رعایت قیلینمه‌سلیگی، کوپینچه پیت مملکت‌ده موسومی کسللیکلر ترقه‌لیشی گه سبب بوله‌دی.
