۲۸- می خلق‌ارا قاعدگی ساغلیگی ناملنگن. بو کوندن قاعدگی دوره‌سی نینگ ساغلیگی توغریسیده معلومات نی کوپه‌یتیریش، یخشی شرایط نی فراهم قیلیش و پریود پروسه‌سی نینگ عادی قیلیش اوچون نشانلنه‌دی.
بوگون (پنجشنبه ۶- جوزا) ساغلیک وزیرلیگی سرپرستی وحید مجروح، خلق‌ارا قاعدگی ساغلیگی مناسبتی بیلن بیر ییغینده ایتیشیچه، قاعدگی برابریده فکری و ارزشی توسیق ایجاد ایتیشی گه سبب بوله‌دیگن، بیر ایش قیلینمه‌سی کیره‌ک.
جناب مجروح گه کوره، خاتین و قیزلردن ۵۰ فایزی اجتماعی شرم باعث پریود و ساغلیک نی رعایت قیلیش توغریسیده معلوماتی یوق. ساغلیک وزیرلیگی سرپرستی نینگ ایتیشیچه، آیلیک عادت طبیعی بیر پروسه بولگن بیرحالده، بیراق اجتماعی ننگ دیب توشونوله‌دی.
جناب مجروح نینگ ایتیشیچه، یاشلیک دورانی ده ایرکک‌لرگه ایجاد بوله‌دیگن هورمونی و فزیکی اوزگریش‌لیکلر خوش قرشی‌لنه‌دی، بیراق بو اوزگریش‌لیکلر قیزلرگه ننگ حسابنله‌دی و بو توغریده سوزلشدن وازکیچیله‌دی.
اونینگ کوپه‌یتیریشیچه، قاعدگی ساغلیگی توغریسیده عیاللرنینگ خبرسیزلیگی، بولی و تناسلی و توغمه‌سلیک کسل‌لیکلریگه سبب بوله‌دی.
وحید مجروح نینگ ایتیشیچه: «بو دوره ده قیزلر ایش و درس‌لریگه حاضر بولیشی اوچون اولرگه همکارلیک قیله‌میز. اونده‌ی بیر ایش قیلمه‌یلیک که اولر اِیر، آته یا ایناغه‌سیدن شرم قیلسه. پریود موضوعی نی اجتماعی ننگ گه اوزگرتیرمه‌یلیک. مین بیر داکتر صفتیده کونده نیچه کسل نی کوره‌من که اولر قاعدگی ساغلیگی توغریسیده معلوماتی بولمه‌گنی باعث بولی، تناسلی و توغمه‌سلیک کسل‌لیکلریگه دوچ کیلگن.»
باشقه بیر تاماندن معارف وزیرلیگی سرپرستی رنگینه حمیدی نینگ بو ییغینده ایتیشیچه، معارف نی نصابی اوزگرماقده و ینگی نصاب ده ۴- و ۵- صنف مضمون‌لریده قاعدگی یا آیلیک عادت توغریسیده تورلی بحث‌لر جایلشتیریلگن.
خانم حمیدی نینگ ایتیشیچه، معارف وزیرلیگی خلق‌ارا همکار نهادلرنینگ یاردمی بیلن، کلینیک‌لرنی قیزلرگه خاص مکتب‌لرده سوو و صابون بیلن جهازلنگن ساغلیک سرویسلر بیلن قوریش گه حرکت قیله‌دی.
شونینگدیک مذکور ییغینده رسانه‌لردن هم قاعدگی توغریسیده معلومات بیریش‌لری سوره‌لگن.
معارف و ساغلیک وزیرلیگی مسئوللری نینگ ایتیش‌لریچه، اوقیتووچیلر و آته و آنه‌لر قاعدگی دورانی نینگ روحی و روانی قیینچلیک‌لری بیلن آشنا بولیب و قیزلری نینگ حمایتچسی بولیشی کیره‌ک.
