ساغلیق‌نی سقلش وزیرلیگی مسئوللری، بوگون (چهارشنبه، ۱۱ اسد)، کابل ده مطبوعاتی ییغیلیش ده ایتیشلریچه، مملکت ده قاره سریغلمه (هپاتیت ویروسی) گه چلینگنلر سانی کوپه‌یگن.
اولر نینگ ایتیشلریچه، میلادی اوشبو ییل نینگ دستلبکی آلتی آیی ده قریب توقیز مینگ کیشی هپاتیت B و C گه چلینگنلر، عین‌حالده، ۲۰۲۲_ییل ده سکیز مینگ ۳۰۰ کیشی اوشبو کسل‌لیککه چلینگن ایدی.
ساغلیق‌نی سقلش وزیرلیگی نینگ یوقوملی کسل‌لیکلرنی کنترول قیلیش باشلیغی بسم‌الله پوپل گه کوره، حاضرگی کونده افغانستان ده قاره سریغلمه گه چلینگنلر سانی کوپه‌یماقده و اوشبو کسل‌لیککه چلینگنلرنی دوالش اوچون مذکور وزیرلیک نینگ امکانیتی ییترلی ایمس دیر.
او نینگ کوپه‌یتیریشیچه: «یالغیز کابل، قندهار، پکتیا، هرات، بلخ و ننگرهار ولایت‌لریده هپاتیت B و C نی انیقلش اوچون پی‌سی‌آر موجود دیر.»
بیزلرنینگ فیسبوک صحیفه‌میزگه باش اورینگ!
مذکور ییغیلیش ده، افغانستان ده خلق‌ارا ساغلیق‌نی سقلش تشکیلاتی نینگ نماینده‌سی رضاالودل گه کوره، افغانستان ده قاره سریغلمه گه چلینگنلر سانینی انیقلش اوچون انیق سروی اوتکزیلمه‌گن.
او نینگ ایتیشیچه: «بیر میلیون کیشی هپاتیت B و C گه چلینگن افغانستان ده امکانیت بار، اوشبو کسل‌لیککه چلینگنلرنی دوالش اوچون کوپ سانده کیشی‌لر تیکشیریلیشی کیره‌ک.»
ساغلیق‌نی سقلش وزیرلیگی نینگ معلوماتی اساسیده، قاره سریغلمه گه کوپراق عادی اهالی، بنگی‌وار ماده‌لر گه چلینگن معتادلر چلینگنلر.
باشقه تاماندن، ساغلیق‌نی سقلش وزیرلیگی نینگ ساغلیک خذمت کورسه‌تیش ایشلری بوییچه معینی حبیب‌الله آخوندزاده گه کوره، خلق‌ارا تشکیلات‌لر قاره سریغلمه گه قرشی کوره‌ش ده اوشبو وزیرلیک بیلن همکارلیک قیلیش‌لری کیره‌ک.
او نینگ کوپه‌یتیریشیچه: «۲۰۱۷-ییل دن ۲۰۲۳-ییل گه قدر، ۴۲۷۶۴۷ کیشی هپاتیت B و ۲۱۶۲۱ کیشی هپاتیت C گه چلینگنلر، بیز خلق‌ارا ساغلیق‌نی سقلش تشکیلاتی و باشقه مؤسسه‌لردن اوشبو کسل‌لیکنی آلدینی آلیش اوچون تخنیکی و مالیه‌وی یاردم بیریش‌لرینی ایسته‌یمیز.»
بیزلرنینگ توییترده هم تعقیب قیلینگ!
عین‌حالده، ساغلیق‌نی سقلش وزیرلیگی نینگ وقایوی طبیات سرپرستی آغامحمد عابد طوطا خیل گه کوره، میلادی اوشبو ییل ده قاره سریغلمه گه چلینگن ۳۰ فایز کسل‌لر، خلق‌ارا ساغلیق‌نی سقلش تشکیلاتی نینگ مالیه‌وی یاردمی بیلن دوالنگنلر.
او نینگ ایتیشیچه: «۲۰۲۳-ییل ده خلق‌ارا ساغلیق‌نی سقلش تشکیلاتی نینگ مالیه‌وی یاردمی بیلن هپاتیت C گه چلینگن ۳۰ فایز کسل‌لر دوالنگن و ۷۰ فایز کسل‌لر سانی کوپه‌یگن.»
ساغلیق‌نی سقلش وزیرلیگی مسئوللری نینگ ایتیشلریچه، حاضرگی کونده مملکت ده قاره سریغلمه گه چلینگنلرنی دوالش اوچون ۴۰ مرکز فعال دیر، میلادی اوشبو ییل نینگ دستلبکی آلتی آیی ده مذکور مرکزلرده ۱۴۷ مینگ ۹۰۰ کیشی دن قاره سریغلمه سیناوی آلینگن اولر ارا ۲۸۲ کیشی دوالنیب و ۷۴ کیشی ساغلگن.