اجتماعی ترماقلردهگی حضور حقیقی حیاتدهگی حضوردن اوستون کیلهیاتگن بوگونکی دورده، یاشلر بو محیطده بولیشلری سببلرینی تورلی عامللر دیب بیان قیلهدیلر. بو گزارشده صحبت بولگن یاشلردن قطاری، ایشسیزلیک و چرچشدن قاچقیش همده اویین-کولگی یرهتیش، تعلیم و معلوماتگه قول تاپیشنینگ اجتماعی ترماقلردن فایدهلنیشلری عامللری حسابلهیدیلر.
شوندهی بیرحالده، بو حکایهلردن کوپینچهسی آرهسیده قوشمه بیر تجربه کوزگه کوریلهدی؛ وقت، اجتماعی ترماقلرده جوده تیز اوتیب و فایدهلنووچیلر یالغیز مذکور محیطده ساعتلرچه حضور تاپگنلریدن کیین قولدن بیرگنلری وقتنی انگلهیدیلر.
۲۶ یاشر عبداللهنینگ ایتیشیچه، بوندن آلدین کونده ۱۲ ساعت اجتماعی ترماقلرگه حضور بار ایکن، بیراق حاضر ایسه بو وقتنی ایکیدن ایکی یریم ساعتگه کمهیتیرگن. «حاضر مصروف بولگنمین و ویدیو کوریش انساننینگ ذهنی تمرکزینی حددن تشقری اورتهدن کیتگزهدی و وقتنی بوش صرفلش دیر. حاضر توشینهمن که اوشه پیت بیران نرسه اورگنه آلهر ایدیم دیب، مثلا بیر تیل اورگنسه ایدیم.»
وقتنینگ بوش صرفلنیشی و اورگهنیش امکانیتلری قولدن کیتیشی، عبدالله اوچون اجتماعی ترماقلردن حددن تشقری فایدهلنیشدن قالگن حسرتلردن دیر. شونینگدیک او کمراق دقت قیله آلیشی، چرچش و حیاتی ترتیبی بوزیلگنینی، اجتماعی ترماقلردن حددن تشقری فایدهلنگنی نتیجهسی بیلهدی.
بدخشان یشاوچیسی بولمیش ۱۸ یاشر فرنگیسنینگ ایتیشیچه، کونده اوچ دن بیش ساعت اجتماعی ترماقلرگه بولیب و بعضا فکری بولمسدن بو محیطده کونینینگ کوپینچه بولیمینی اوتکزگن. «بعضا توشینهمن که اجتماعی ترماقلردن فایدهلنیش فکریم و کیلهجک توغریسیدهگی برنامهلریم گه سلبی تاثیر قویگن و هدفلریمگه کمراق توشینیشیمگه سبب بولگن.»
اونینگ کوپهیتیریشیچه، مجازی محیطیده ساعتلرچه وقت اوتکزگنیدن کیین، نیچه مرته بو وقتنی درس اوقیش، ینگی مهارتلرنی اورگهنیش یا-ده کیلهجگی توغریسیده برنامه توزهته آلیشیگه توشینگن.
شونینگدیک بو گزارشده یاشلردن قطاری، اجتماعی ترماقلردن حددن تشقری فایدهلنیشنینگ ضررلی عاقبتلری صفتیده مهارتلرنی اورگهنیش و شخصی امکانیتلرگه وقت اجرهتیلمسلیگینی تیلگه آلهدیلر. بو توغریده پروان یشاوچیسی بولمیش ۲۶ یاشر قدرتنینگ ایتیشیچه: «اجتماعی ترماقلرده کمراق وقت صرفلهگنیم، کتاب اوقیگنیم و خاص بیر هنرنی اورگنیمده، حاضر بیللی و مستحکمراق حیات و مقصدلرگه ایگه بوله آلهر ایدیم.»
اجتماعی ترماقلردن فایدهلنیش توغریسیده برچه کیشینینگ تجربهلری بیر یولگه ایمس. قندوز یشاوچیسی بولمیش ۲۰ یاشر فرینه فریدنینگ ایتیشیچه، اجتماعی ترماقلردن کوپراق اورگهنیش و تعلیم اوچون فایدهلنهدی. «اجتماعی ترماقلردن فایدهلنیشیمدن مقصد، هدفلریم گه ییتیشیش دیر. بیلیم و آگاهیلیک سطحینی آشیریش و کیلهجگیم توغریسیده ایشلش دیر.»
بانو فریدنینگ اورغولشیچه، قیسقه ویدولرنی کوریش کبی اجتماعی ترماقلردن هدفسیز و کوپینچه وقتنی صرفلش، انسان ذهنینی چرچهتیب و فایدهلی دستورلرنی کوزهتیش اوچون انگیزهسینی کمهیتیرهدی.
باشقه بیرتاماندن، روانشناسلردن قطارینینگ ایتیشلریچه، اجتماعی ترماقلر فایدهلنووچیلرنینگ قیزیقیشلری اساسیده عملگه قیلیب و بو محیطگه انسانلرنینگ تیگیشلی بولیشینی کوپهیتیره آلهدی. روانشناسلردن زهرا قیومی، اجتماعی علاقهلر کمهیشی و اویقوده قیینچیلیک یرهتیلیشینی اجتماعی ترماقلردن حددن تشقری فایدهلنیش اینگ مهم عاقبتلریدن بیلهدی. «بیر کیشی قنچه ساعت ویدیو کوریب و زمانی اجتماعی ترماقلرده اوتگنینی بیلمهیدی. یالغیز نیچه ثانیه بیر ویدیونی کورهدی و کیین باشقه بیر ویدیو کیلهدی و کیین کوپینچه وقتی اوتگنینی فرق قیلهدی.»
شونینگدیک تعلیم و تربیه بوییچه ایش بیلرمانلریدن جمالالدین سلیمانینینگ ایشانچیگه کوره، اجتماعی ترماقلردن حددن تشقری فایدهلنیش اورگهنیش جریانیگه تاثیر قویه آلهدی. «قیغو بیلن اجتماعی ترماقلر تعلیم توغریسیده یاردم بیریش اورنیگه اوقووچیلرنینگ کوپینچه وقتینی آلهدی و اورگهنیش توغریسیده بولگن تمرکزی کمهیشیگه سبب بولهدی.»
باشقه بیرتاماندن، جمعیتشناسلردن قربانعلی فکرت لعلینینگ ایتیشیچه، اجتماعی ترماقلردن فایدهلنیش هم فایدهلی همده ضررلی عاقبتلرگه ایگه. «اجتماعی ترماقلرنینگ هم فایدهسی همده ضرری بار. لیکن جمعیتده یاشلر آرهسیده کوپراق ضررلی تامانی رواجلنهیاتگنی حس بولهدی.»
لعلینینگ ایشانچیگه کوره، اجتماعی ترماقلرده یاشلرنینگ کورهدیگن موضوعلرینینگ بیر قسمی اولرنینگ حیاتلری حقیقتلریگه ماس بولمهی و انه شوو سبب اولرنینگ امیدلری و مقصدلریگه تاثیر قویه آلهدی.
اجتماعی ترماقلر یاشلردن قطاری اوچون نهفقط علاقه قوریش یا-ده اویین کولگی بوییچه بیر وسیله دیر، بلکیم اولرنینگ کوندهلیک تجربهلرینینگ بیر قسمیگه اَیلهنیب، اوقیش، ریجهلشتیریش، بوش وقتنی اوتکزیش همده حتا کیلهجک حقیدهگی تصویرلرینی شکلنتیرهدی. ایش بیلرمانلرنینگ ایشانچیگه کوره، بو محیط نه بوتونلی شکلده بیر امکانیت دیر و نه بوتونلی شکلده تهدید؛ بلکیم اصلی فرقی اوندن فایدهلنیش شکلی بولیب، هم تعلیم و رواجلنیش وسیلهسی بوله آلهدی همده وقتنی بوش صرفلش، فکر-توجه بوزیلیشی و مقصدلردن اوزاق بولیشگه سبب بوله آلهدی.
