مصر تشقی ایشلر وزیری بدر عبدالعاطینینگ ایتیشیچه، غزه گه یاردم بیریش جریانی اوچون اسرائیل و اروپا بیرلشمهسینینگ کیلیشگنی بیرحالده، یاردم بیریش میزانیده هیچ قندهی آشیش کیلمهگن.
رویترز، مصر تشقی ایشلر وزیریدن نقل قیلیب یازیشیچه، غزه ده یاردم بیریش اوچون عملده هیچ قندهی اوزگریش یرهتیلمهگن.
شوندهی بیرحالده، اسرائیل و اروپا بیرلشمهسی، اوتگن هفته یاردم ییتکزیش کامیونلری کوپهیشی و یاردم ییتکزیلهدیگن یوللر و قتناو یوللرنینگ آچیلیشی شامل غزه ده انسانی وضعیت یخشیلنیشی اوچون کیلیشگنلر.
بیزلرنینگ «ایکس» ترماغی ده هم تعقیب قیلینگ!
شونینگدیک بو گزارشده اردن تشقی ایشلر وزیری ایمن صفدینینگ ایتیشیچه، یاردم بیریش میزانینینگ آشیریلیشی اوچون اسرائیل و اروپا بیرلشمهسی آرهسیده کیلیشوو بولگنی بیلن، غزه ده وضعیت حاضرگچه «فاجعهلی» دیر.
صفدینینگ کوپهیتیریشیچه، اسرائیل محاصرهسینینگ دوام قیلگنی سبب، غزه ده حقیقی فاجعه یوز بیرماقده. اونگه کوره، حاضر نوار غزه گه ییتیشهدیگن یاردملر، ییترلی ایمس.
گزارشده اروپا بیرلشمهسینینگ تشقی سیاست مسئولی کاجا کالاسدن نقل بولیب کیلیشیچه، غزه گه یاردم ییتکزیشده یوتوق بیلگیلری موجود، بیراق عملده ییترلی یوتوق قولگه کیلمهگن.
باشقه بیرتاماندن، غزه گه یاردم ییتکزیش اوچون سعیوحرکتلر جریانیده، بو منطقهگه اسرائیل کوچلرینینگ هجومی هم دوام قیلماقده.
بیزلرنینگ فیسبوک صحیفهمیزگه باش اورینگ!
گزارشلر اساسیده، اوتگن کونی اسرائیل کوچلری آرقهلی نوار غزهنینگ بمباردمان بولگنی نتیجهسیده، یاردم بیرووچی نیچه کیشی شامل ۷۸ فلسطینلیک قربان بولگن.
مذکور کون رفح ده جایلشگن یاردم ترقهتیلهدیگن مرکزلردن بیری یقینیده کمیده بیش کیشی، اسرائیل کوچلری تامانیدن اولدیریلگن.
فلسطین محلی ییتکرمهلرینینگ معلوماتی اساسیده، حاضرگچه غزه انسانسیورلیک جمغرمهسینینگ یاردم ییتکزیش مرکزلری یقینیده ۸۳۸ کیشی قربان بولگن.
