اسلام امیرلیگی سۉزلاوچیسی ذبیحالله مجاهد، سرپرست حکومت تورکی دولتلر تشکیلاتی اعضالری بیلن اقتصادی و سیاسی مناسبتی بولیش طرفدارلیگینی معلوم قیلگن.
اسلام امیرلیگی سۉزلاوچیسی، بوگون (۳-جوزا، شنبه) اوشبو تشکیلاتنینگ قۉشمه بیانیهسیگه مناسبت بیلدیریب، افغانستان تورلی ساحهلرده تورکی مملکتلرنینگ یاردمی گه احتیاجی بارلیگینی اېتگن.
اونینگ کوپهیتیریشیچه، اسلام امیرلیگی بوتون منطقه و دنیا مملکتلری گه افغانستان توپراغیدن، هېچ بیر مملکت گه قرشی فایدهلنمسلیک ایشانچینی بیرهدی.
بیزلرنینگ فیسبوک صحیفهمیزگه باش اورینگ!
اسلام امیرلیگی سۉزلاوچیسی، تورکی دولتلر تشکیلاتی بیانیهسیده کېریتیلگن بعضی موردلرگه اشاره قیلیب ایتیشیچه، بعضی موردلر افغانستان ایچکی مسئلهلری گه باغلیق دیر و یشاوچیلرنینگ اېستهگی بیلن اولر حل اېتیلیشی ممکن.
اونگه کوره، بو تشکیلات گه اعضا مملکتلر، افغانستان بیلن کېنگ قمراولی همکارلیکلرینی کوچهیتیریب و دیپلماتیک و اقتصادی علاقهلرینی کېنگهیتیریشی کېرهک.
تورکی دولتلر تشکیلاتی، قویاش ۱۴۰۴-ییل، ۲-جوزا، صادر قیلگن قۉشمه بیانیهده افغانستانده انسانی وضعیتدن تشویش بیلدیریب و انسان سیورلیک یاردملر دوام تاپیشی، توسیلگن سرمایهلر آزاد اېتیلیشی و اسلام امیرلیگی بیلن دنیا همجمعیتنینگ همکارلیک قیلیشینی سورهگن.
بیزلرنینگ «ایکس» ترماغی ده هم تعقیب قیلینگ!
شونینگیدک، بو تشکیلات گه اعضا مملکتلر، حاکمیت، مستقللیک و افغانستان ملی وحدتی گه حرمت قایل بولیش گه تأکید اېتیش یانیده، بو مملکت بوتون اهالیسی شامل بولگن همه شمول حکومت شکللنیشنی اېستهگن.
اولر، افغانستان اهالیسینینگ احتیاجلری حلی اوچون خلقارا یاردملر آشیریلیشینی سورهب و دنیا همجمعیتدن، توسیلگن سرمایهلرنی آزاد اېتیش و افغانستان بانکلرینی خلقارا مالی بانک تیزیمی گه قوشیش بیلن، اوشبو مملکتنینگ مالی تینیقلیگی و اقتصادینی تېکلش ده حمایه قیلیشینی سورهگن.
تورکی دولتلر تشکیلاتینینگ بیانیهسی بیر بولیمیده، آست قورمه لایحهلر جملهدن افغانترانس تیمیر یولی، تاپی گاز لولهسی، برق انتقال بیریش لایحهلری و لاجورد ترانزیتی یولی تطبیق اېتیلیش گه تأکید اېتیلگن.
